नेवा: अनलाइन न्युज – ललेन्द्र शाक्य | ने.सं. ११४४ चिल्लागा अस्तमि (२०८० चैत्र २० गते) मंगलवाः

येँया गुरु बज्राचार्यपिनिगु तःधंगु धार्मिक पर्वदे आचार्य गुथि थनीनिसें न्ह्याःगु दु ।

थौं मंगलवाः स्वयम्भू महाचैत्यय् विशेष पूजाआजा यानाः स्वयम्भूया शान्तिपुरय् येँया गुरु बज्राचार्यपिन्त दान दक्षिणा बिइगु परम्परा दु ।

अथेहे, कन्हय् बुधवाः येँया हनुमानध्वाखाया नासः चुकय् नं उकथं हे विशेष धार्मिक पूजा लिपा दान दक्षिणा बिइगु परम्परा दु ।

थुगु दँय् स्वयम्भू पाःलाः मैत्रीपुर महाविहार क्वाःबहाःया नरेन्द्र रत्न बज्राचार्य व सुरतश्री महाविहार असंया युद्धहर्ष बज्राचार्यजुया बिज्याःगु दु ।

अथेहे, छेँथाय् पाःलाः कथं श्रीखण्ड तरमूल विहारया हिरारत्न बज्राचार्य व कीर्तिपूण्य वज्रधातु चैत्य महाविहारया धर्मदीप मुनी बज्राचार्यजुया बिज्याःगु दु ।

Categorized in नेवाः