zero media family planning adv

सरिता गिरीयात कारवाही यायेगु पार्टीया ख्याच्वः, संशोधन प्रस्ताव लितमकाःसा !

नेवा: अनलाइन न्युज – ललेन्द्र शाक्य | २०७७ जेठ २८, बुधबार १९:२८:१९

सांसद सरिता गिरीं व्यक्तिगत रुपं दर्ता याःगु संविधान संशोधन प्रस्तावया प्यख्येंरं विरोध व आलोचना जुयाच्वंगु दु ।

सरिता गिरीया हे पार्टीं तकं तत्काल उगु प्रस्ताव लितकायेत निर्देशन बिसें लितमकाःसा कारवाही यायेगु ख्याच्वः ब्यूगु दु ।

सरिता गिरीं संशोधन प्रस्ताव दर्ता यायेखतं पार्टीया पाखें प्रमुख सचेतक उमाशंकर अगररियां तत्काल प्रस्ताव लितकायेत निर्देशन ब्यूगु खः ।

गिरीं पार्टीलिसे न्यनेकने मयाःसे व न्यं हे मन्यंसे व्यक्तिगत रुपं दर्ता याकूगु संशोधन प्रस्ताव लितकायेत पार्टीया प्रमुख सचेतक उमाशंकर अरगरियां लिखित रुपं हे निर्देशन ब्यूगु दु ।

यदि प्रस्ताव लितकमाःसा पार्टीया पाखें कारवाही यायेगु नं अरगरियां जानकारी ब्यूगु दु ।

Categorized in राजनीति