nepal investment baink

लकडाउनयात कयाः दयेकुगु चिहा संकिपा “नयेगु छु ?” कन्हय् नेवाः युट्युबय् प्रिमियर

नेवा: अनलाइन न्युज – निश्चल | २०७७ आषाढ ८, सोमबार २०:३८:१९

कोरोना भाइरस, लकडाउन आदि थौं कन्हय् झीगु जिबनया अंग जुइधुंकुगु दु । लकडाउनं झीगु जिबनया थीथी पक्षय् बामलाक लिच्व लाकुगु दु । लकडाउनया इलय् व आः छुं भचा छ्वासुका हःगु अवस्थाय् संकिपा कःमित थःथःगु कथं सक्रिय जुइगु व सिर्जनसिलता न्ह्यब्वयेगु ज्या यानाहःगु दु । 

थ्व हे झ्ववलय् लकडाउनया हुनिं सहरय् म्वानाच्वपिं आर्थिक रुपं दकसिबे ल्यूने लाःगु वर्गया जिबनय् लाःगु असरयात कयाः लोकव्हाःम्ह चिहा संकिपाया निर्देशक योवन शाक्यज्युं “नयेगु छु ?” नांया चिहा संकिपा निर्माण याःगु दु । नेवाः युट्युबया ब्यानरय् बनेज्या जूगु थुगु अति यथार्थवादी चिहा सकिपाया प्रिमियर कन्हय् असार ९ गते मंगलबार बहनि ७ः०० ता इलय् नेवाः युट्युबय् जुइत्यंगु दु । थुगु चिहा संकिपाखय् नेवाः सुपरस्टारया दावेदार कलाकारपिं सुरज ब्यञ्जनकार व रोजिना सुवालया ज्वःमदुगु अभिनय स्वयेखनिगु जूगु दु । थुकिइ मिस लिटिल नेवाः लुस्वाँ साय्मि लिसें मेपिं स्थानिय कलाकारपिसं नं अभिनय यानातःगु दु । थुगु चिहा संकिपाया छांयाकन व सम्पादनया भाला नं निर्देशक योवन शाक्यज्युं हे कयादीगु खः ।

 

Categorized in कला