नेवाः सरोकार मञ्चया घोषणा
नेवा: अनलाइन न्युज – ललेन्द्र शाक्य | २०८० कार्तिक २६, आइतबार १२:०५:४६
पहिचानया आन्दोलनयात न्ह्यःने यंकेगु नितिं नेवाः सरोकार मञ्च नांया संस्था घोषणा याःगु दु ।
येँया नेपाः ब्यांक्वेटय् न्हूदँया लसताय् म्हिगः शनिवाः जूगु छगू ज्याझ्वलय् थथे सरोकार मञ्चया घोषणा याःगु खः ।
थुगु सरोकार मञ्चया संयोजक कथं डा. केशवमान शाक्य च्वनादीगु दु ।
संयोजक शाक्यं शनिवाःया ज्याझ्वलय् मञ्चया ज्याखँयात कयाः कार्यपत्र न्ह्यब्वयादीगु खः ।
उगु कार्यपत्रयात कयाः पहिचानवादी नेता कथं म्हसीका दुपिं मुक्ति प्रधान, दिलीप महर्जनलिसेंथीथी व्यक्तिपिन्सं न्वःवानादीगु खः ।
ज्याझ्वलय् न्हूदँ समारोह समितिया नायः प्रा.डा. नरेशमान बज्राचार्यं न्हूदँया लसताय् सकलसित भिंतुना देछानादीगु खःसा नेवाः अभियन्ता सुजीव बज्राचार्यं सकलसित कःघानाः नेवाः सरोकार मञ्च न्ह्याकेमाःगु विचाः तयादीगु खः ।
ज्याझ्वः मिसा नेतृ रुपा महर्जनं न्ह्याकादीगु खः ।
Categorized in नेवाः