nepal investment baink

थाहाँ वन पेट्रोलया भाः

नेवा: अनलाइन न्युज – ललेन्द्र शाक्य | ने.सं. ११४४ चिल्लागा सप्तमी (२०८० चैत्र १९ गते) सोमवाः

पेट्रोलया मूप्रतिलिटर प्यतका दां थाहाँ वंगु दु ।

सोमवाःनिसें वृद्धि जुइगु मू कथं पेट्रोलया प्रतिलिटर मू १ सय ७५ तका थ्यंगु खः ।

नेपाल आयल निगम लिमिटेडया संचालक समितिया आइतवाःया निर्णय कथं सोमवाःनिसें न्हूगु मू लागू जुइ ।

निगमं न्हूगु खरिद मू कथं पेट्रोलया मू प्रतिलिटर प्यतका व ७६ पैसा थकाःगु खः । निगमं मेमेगु पेट्रोलियम पदार्थया विक्री मू आःयात यथावत् जूगु निगमपाखें आइतवाः सार्वजनिक याःगु विज्ञप्तिइ जानकारी ब्यूगु दु ।

न्हापांगु वर्ग अन्तर्गत चारआली, विराटनगर, जनकपुर, भलवारी, नेपालगञ्ज, धनगढी व वीरगञ्जय् पेट्रोलया प्रतिलिटर मू १ सय ७२ तका ५० पैसा जूगु दु ।

अथेहे, निगूगु वर्ग अन्तर्गत येँ, पोखरा व दिपायल जिल्लाय् प्रतिलिटर १ सय ७४ तका कायम याःगु दु ।

Categorized in बजाः