नेवा: अनलाइन न्युज – ललेन्द्र शाक्य | २०७७ श्रावण ८, बिहिबार ०९:४२:२४

हलिमय् कोरोना भाइरस संक्रमणया हुनिं ६ लख ३० हजार १ सय ३१ म्ह मनूत सीधुंकूगु दु । विश्व स्वास्थ्य संगठन (डब्ल्यू.एच.ओ.) नं थौं बिहिवाः सार्वजनिक याःगु तथ्यांक कथं लिपांगु २४ घौ दुने जक १०,६४८ म्ह मनूत सीगु दु ।

अथेहे, हलिंन्यंक १ करोड ५३ लख ७१ ह्जार ८ सय ३६ म्ह मनूत कोरोना संक्रमित जुइधुंकूगु दु । संक्रमित मध्ये आःतक १३ लख ३८ हजार ७ सय ६१ म्ह कोरोना मुक्त जूगु दु ।

चीनया हुबे प्रान्तया बुहान शहरं वंगु दँया डिसेम्बरया अन्त्यनिसें सुरु जूगु कोरोना भाइरस संक्रमणया हुनिं अमेरिका दकले अप्वः लिच्वः लाःगु दु । डब्ल्यू. एच. ओ.या कथं अमेरिकाय् जक १ लख ४६ हजार १ सय ८३ म्ह मनूत कोरोनाया हुनिं सीधुंकूगु दु ।

अथेहे, ब्राजिलय् ८२ हजार ८ सय ९०, भारतय् २९ हजार ८ सय ९०, रसियाय् १२ हजार ७ सय ४५ व दक्षिण अफ्रिकाय् ५ हजार ९ सय ४० व पेरुइ १७ हजार ४ सय ५५ म्ह मनूत कोरोनापाखें सीधुंकूगु दु ।

Categorized in अन्तर्राष्ट्रिय