नेवा: अनलाइन न्युज – ललेन्द्र शाक्य | २०७७ माघ २८, बुधबार ११:३२:०९

...सुनचाँदीइ लगानी, भरपर्दो आम्दानी...श्लोगान थ्वयेकाः साविक नेपाल सुनचाँदी व्यवसायी संघ येँ शाखापाखें स्तरोन्नति व रुपान्तरण यानाः पलिस्था जूगु काठमाडौं सुनचाँदी व्यवसायी संघं हिदान ज्याझ्वःया ग्वसाः ग्वःगु दु ।

थ्वहे वइगु फागुन १ गते शनिवाः सुथसिथा ९ ता ईनिसें न्हिनसिया २ ता ईतक येँया क्षेत्रपातिइ च्वंगु स्वाँछपु गणेद्यःथाय् उगु हिदान ज्याझ्वः जुइगु जानकारी ग्वसाः खलः संघया नायः सुरेश शाक्यं जानकारी बियादीगु दु ।

ग्वसाः खलः काठमाडौं सुनचाँदी व्यवसायी संघया पलिस्था दिवसया लसताय् हिदान ज्याझ्वःया लिसेलिसें स्वास्थ्य शिविर ज्याझ्वः नं जुइगु जानकारी संघया नायः शाक्यं बियादीगु दु ।

उगु हिदान व स्वास्थ्य शिविर ज्याझ्वलय् विगतनिसेंया आत्मियता व सुसम्बन्धयात निरन्तरता बिसें सकलसित उपस्थितिया नितिं ग्वसाः खलः काठमाडौं सुनचाँदी व्यवसायी संघं इनाप याःगु दु ।

Categorized in स्थानिय-समाज