zero media family planning adv

सत्ताधारी नेकपा दुने हे सरकारया कार्यक्षमताय् असन्तुष्टि

नेवा: अनलाइन न्युज – ललेन्द्र शाक्य | २०७६ चैत्र २२, शनिबार ०८:५८:४५

कोरोना कोभिड १९ भाइरस पहिचान, रोकथाम व उपचारय् छ्यलाबुला जुइगु स्वास्थ्य हलंज्वलं खरिद विषययात कयाः सत्ताधारी नेकपा दुने तीव्र असन्तुष्टि ब्वलंगु दु । पार्टीया नेतापिन्सं मन्त्रालय तहपाखें स्वास्थ्य हलंज्वलं खरिदय् जूगु अनियमितता प्रकरण लिपा थ्व जिम्मेवारी सेनायात ब्यूगु विषयस असन्तुष्टि प्वंकूगु दु ।

नेकपा सचिवालय दुजः व पूर्वप्रधानमन्त्री झलनाथ खनालं स्वास्थ्य हलंज्वलं खरिद प्रक्रियाय् अनियमितता जूगु धासें प्यख्येंरं बहस जूगु व उकिं पार्टी दुने तकं असन्तुष्टि ब्वलंगुलिं याकनं सचिवालय बैठक सःतेमाःगु धाःगु दु । खनालं धाःगु दु, ‘छुं छुं विषयस सहलह यायेमाःगु जूगुलिं सचिवालय बैठक माग यानागु दु ।’

खनालया कथं कोभिड १९ पाखें मुलुकय् ब्वलंगु विषम परिस्थितिइ पार्टी दुने गम्भीर ढंगं सहलह यायेमाःगु जूगुलिं सचिवालय बैठक माग याःगु खः ।

स्वास्थ्य हलंज्वलं खरिद प्रकरणय् अनियमितता जूगु धासें उकी सरकार व पार्टी निम्हेसित स्वानाः प्रचारबाजी जूगुलिं नं बैठक याकनं हे च्वनेमाःगु आवश्यकताया महसुस नेता खनालं याःगु दु ।

Categorized in राजनीति