kmc bidya

“ जः दया नं छाय् ख्युंसे थन ” मंकाः म्ये युट्यबय् पिदन

नेवा: अनलाइन न्युज | २०७७ जेठ ९, शुक्रबार १२:५६:५६

नेपालभाषाया संगीत ख्यलय् न्हूगु पलाः कथं थौं शुक्रबार  छपु मंकाः म्ये पिदंगु दु । नेवाः संकिपा व संगीत ख्यःया छम्ह नांजाम्ह कलाकःमि सुरेन्द्र तुलाधरया परिकल्पना व निर्देशनय् तयार जूगु  “ जः दया नं छाय् ख्युंसे थन ” बोलया थ्व म्येया म्युजिक भिडियो युटुयुबय् थौं सार्वजनिक याःगु खः । नांजाम्ह कलाकःमि सुरेन्द्र तुलाधर थःगु हे युट्युबय् रिलिज याःगु थ्व म्ये “ जः दया नं छाय् ख्युंसे थन ” दुने नेपालभाषाया संगीत ख्यलय् नांजापिं २० म्ह म्येहालामिपिन्सं थःथःगु सः बियातःगुुदुसाः थुकिया म्युजिक भिडियो दयेकेगु ज्याय् म्येहालामि अमर चित्रकारं भिडियोग्राफर व एडिटरया ज्या यानादीगु खः । अले म्युजिक भिडियोया निर्माता सुरेन्द्र शाक्य खः ।

कलाकःमि सुरेन्द्र तुलाधरं च्वयादीगु थ्व म्ये संगीतकार नील शाक्यं लसय् हनादीगु खःसा थ्व म्येय् अमरराज शर्मा राजोपाध्याय्, जुजुकाजी रञ्जित, एन्जिला श्रेष्ठ, पवित्र कसाः , सञ्जिप प्रधान व सरिश्मा अमात्य , निशा देसार , भुपेन्द्र बज्राचार्य,दिपा महर्जन, रवि हाडा,जिवित जल्मी,लसता जोशी,नील शाक्य, राजेश महर्जन,सतिश महर्जन, सुरेन्द्र श्रेष्ठया नापनापं मदनकृष्ण श्रेष्ठया काय् यमन श्रेष्ठ व सरिता शाही अले रत्नशोभा महर्जनपिन्सं सः बियातःगु दु । 

देश थौंकन्हे लकडाउनय् लाना च्वंगु थ्व ईलय् कलाकार पिनिगु सृजनायात छेँय् दुनेजक लिकुंका तयेमजिउ धइगु विचाः ज्वना “ जः दया नं छाय् ख्युंसे थन ” बोलया थ्व म्येय्या परिकल्पना सुरेन्द्र तुलाधरं यानादीगु खःसा थुकिया निंतिं म्येहालामिपिं थःथःगु हे छेँय् च्वना तयारी याना दीगु खः ।

संगीतकःमि भुपेन्द्र बज्राचार्यया संगीत संयोजनय् रेकर्डिष्ट सुरेन्द्र श्रेष्ठं मेलोडी स्टुडियोय् थ्व म्येया फाइनल मिक्सिंग यानादीगु थ्व “ जः दया नं छाय् ख्युंसे थन ” बोलया म्ये म्येहालामिपिन्सं थःथःगु हे छेँय् च्वना रेकर्डिंग याना छ्वया हःगु खः धका लय् चिनामि नील शाक्यं कनादिलसा थ्व म्येया म्युजिक भिडियोया शुटिंग धाःसा माःमाःगु छुं छुं ब्वःजक आउटडोर शुटिंग जूगु खः । विशेष याना कलाकार अमर चित्रकारं यानादीगु काल्पनिक पात्रया शुटिंग आउटडोर जुउगु खः ।     युट्य्बया माध्यमं सार्वजनिक जुउगु थ्व  परिकल्पनाकार सुरेन्द्र तुलाधरया थःगु युट्युुबय् रिलिज याःगु खःसा छगु सन्देशमूलक म्येया रुपय् पिदंगु थ्व म्ये संगीतप्रेमीपिनिगु नुगः याउँक हे त्याकिगु खँय् थ्व म्येया च्वमि अले थ्व म्येया म्युजिक भिडियोया निर्देशक व परिकल्पनाकार सुरेन्द्र तुलाधरं थः विश्वस्त धका धयादिल  ।

थन क्लिक याना स्वयादिसँ 

 

Categorized in कला