prabhu baink new

“सरकारलिसे समन्वय याना वनेगु जुइ” –प्रा. सुवर्ण शाक्य (टेलिफोन वार्ता)

नेपालभाषा ख्यलय् ६८ दँ पुलांगु संस्था नेपालभाषा परिषदया निक्वःगुखुसि नायः जुयादीम्ह शिक्षाविद्लिसें साहित्यकार नेवाः न्ह्यलुवाः सुवर्ण शाक्यं नेपालभाषा ब्वंकेगु नितिं सरकारलिसे समन्वय याना वनेगु खँ कनादीगु दु ।

वय्कलं नेवाः अनलाइनन्यूजलिसेया टेलिफोन वार्ताय् थुगु खँ कनादीगु खः । वय्कलं थौंकन्हय्या पुस्तां नेवाः भाय् ल्हायेगुपाखें तापाना वंगु मू हुनि धैगु नेवाः ख्यलं पिनेया लिच्वः लाःगुलिं नेवाः भाय्प्रति मोह म्हो जुयावंगु विचाः प्वंकादिल ।

प्रा. शाक्यं नेपालभाषा मतंकेगु नितिं थीथी ख्यलं थीथी कुतः जुयाच्वंगु खँ कनादिसें जब भाषा न्हनी उबले नेवाः जाति हे न्हनी धैगु खँ उजागर यानादिसें भाषा म्वाकेगु नितिं सकल नेवाः ख्यः सचेत जुइमाःगु खँय् बः बियादिल ।

भाजु शाक्यं आः वइगु असार २५ गते नेपालभाषा परिषदया संयोजनय् लःल्हाइगु थीथी सिरपाः लिसें परिषदपाखें लःल्हाइगु ‘भाषाथुवाः’ उपाधिया विषयस ध्वाथुइकादीगु खः ।

(थन क्लीक यानाः प्रा.सुवर्ण शाक्यलिसे नेवाः अनलाइन न्यूजया सम्पादक ललेन्द्र शाक्यं यानादीगु टेलिफोन वार्ता न्यनादिसँ ।)