zero media family planning adv

“वन वे” पुचःयात भिन्तुना देछाल

नेवा: अनलाइन न्युज – विजयरत्न | २०७७ श्रावण १३, मंगलबार १२:३८:०६

थम्हं म्हूगु गाः व झस्काः नांयागु नेवाः संकिपाया निर्माता व कलाकार सुरेश खड्गीया निर्देशनय् दयेकुगु खस नेपाली भाषाया शर्टफिल्म “वन वे” या पुचःयात थ्व शर्टफिल्मया शुटिंग क्वचाःगु लसताय् कला अनुरागी लक्ष्मीकमल शाहीं छगू बःचाहाकmगु ज्याझ्वः याना भिन्तुना देछाःगु दु ।

भिन्तुना देछायेगु झ्वलय् कलाकःमि लक्ष्मीकमल शाहीं “वन वे” या कलाकार, प्राविधिक व ग्वाहालिमिपिन्त खादा क्वखायेका सगं बिउगु खः ।

स्वन्हु शुटिंग यानाः क्वचायेकुगु “वन वे” या च्वमि सनमकुमार श्रेष्ठ खःसा छाँयाकन व सम्पादन अमर चित्रकार, सहायक निर्देशन रवि महर्जन, द्वन्द निर्देशन राजेन्द्र श्रेष्ठ, निर्माण नियन्त्रण श्रीमन मानन्धरं यानादीगु दुसा सुजन श्रेष्ठ थ्व शर्टफिल्मया निर्माता खः ।

आराध्यलक्ष्मी खड्गी, सुरज नापित, जुनु त्वायनाया नापनापं भेस महर्जनया नं भूमिका दूगु थ्व खस नेपाली भाषाया “वन वे” शर्टफिल्मय् नेपालभाषाया संकिपा व प्याखं ख्यलय् नांजाःम्ह कलाकःमि राजेशमान सिं सल्लाहकार जुयाः ग्वाहालि यानाच्वंगु दु ।

Categorized in कला