nepal investment baink

“रवि दाई ! ग्व जीबी राई ?” : नेविसंघया प्रदर्शन

नेवा: अनलाइन न्युज – ललेन्द्र शाक्य | ने.सं. ११४४ बछलाथ्व सप्तमी (२०८१ जेष्ठ २ गते) बुधवाः

सहकारी ठगीइ गृहमन्त्री रवि लामिछानेया संलग्नाबारे संसदीय छानविन समिति नीस्वनेत माग यासें वयाच्वंगु नेपाली कांग्रेसं थःगु भ्रातृ संगठनयात सतकय् क्वकाःगु दु ।

नेपाल विद्यार्थी संघया कार्यकर्तापिन्सं सहकारी पीडितपिन्त न्याय बिइमाःगु माग यासें बुधवाः सुथय् त्रिचन्द्र क्याम्पस न्ह्यःने प्रदर्शन याःगु खः ।

गृहमन्त्री रवि लामिछानें थःत संसदय् न्हापां न्वःवाके बिइमाःगु माग तयाः वयाच्वंगु दु ।

वं दोषी जूसा राजनीति त्वःतेगु धाःगु दु । तर नेविसंघं दोषी ठहर जुइत न्हापां छानविन जुइमाल नि धासें प्रदर्शन याःगु दु ।

गोर्खा मिडियाया फरार नायः जीबी राई ग्व ? धासें विद्यार्थीपिन्सं गृहमन्त्री लामिछानेयात न्ह्यसः तःगु दु ।

कांग्रेस लिक्क लाःगु महिना संघं मंगलवाः प्रदर्शन याःगु खःसा तरुण दलं थौं बुधवाः न्हिनय् विरोध प्रदर्शन याइगु जूगु दु ।

Categorized in राजनीति