“मिसा जुइदयाः लय्ताः”

                         – रहेना

थःगु छेँसं...
बौया न्हाय् तयाः इज्जत मुंकाः
मामं दुग्यंक संस्कार बीकाः
ओहो ! जिला गुलि लय्ता
दाजुकिजापिनि मतिनाया दथुइ
न्यासिन्यासि चाःम्ह स्वां जुयाः
थःगु छेँय् ह्वालाह्वाला नस्वाः ह्वलेफुम्ह
व मिसा हे जक जुइ ।।

कर्म छेँस...
झः झः धायेकाः दिनिदिनि बाजंया सलय्
लक्ष्मी स्वरूप लसकुस याकाः
ओहो ! गपाय् च्वः भाग्य ह्वाःम्ह
सरस्वती स्वरूप वीणाया धून छेँय् थ्वयेकाःः
परियातथें थः मिजं नं नाला कायेकाः ।।

ओहो ! गुलि न्ह्याइपु
मालीबलय् कर्मभूमि भगवतीया स्वरूप दुर्गा नं जुइखंम्ह
मर्मया दुने मतिना ब्वयाः
मचाखाचा नं ब्वलंके फुम्ह
व मिसा हे जक जुइ ।।