zero media family planning adv

‘स्वनिगलय् नाकां वये वनेगु रोक्का या’ : सर्वोच्चया आदेशयात प्रम ओलीया हाथ्या

नेवा: अनलाइन न्युज – ललेन्द्र शाक्य | २०७७ बैशाख ६, शनिबार १७:५२:४४

स्वनिगःया मू नाकाय् सुरक्षाकःमिपिन्सं कडाई याःगु दु । न्यासि जुयाः नं स्वनिगः पिने वनेत व दुहाँ वयेत तकं रोक तःगु दु । सुरक्षाकःमि अप्वः तैनाथ याःगु दु ।

लकडाउनय् न्यासि वनाः छेँय् वंपिन्त सुरक्षित व निःशुल्क गन्तव्यय् थ्यंकाब्यू धैगु सर्वोच्च अदालतया आदेशयात हाथ्या बिसें कडाई याःगु खः । प्रधानमन्त्री केपी शर्मा ओलीं स्वनिगः दुने व पिने न्यासि जुइके तकं मबिइत कडा निर्देशन ब्यूगु दु । लकडाउनया इलय् वये वनेगुलि कडाई यासें नापलाःपिन्त पनाः अन हे तयेत तकं निर्देशन ब्यूगु दु ।

लकडाउनय् न्यासि वनः छेँय् वनेत्यंपिन्त नापलाःगु थासय् पनाः क्वारेन्टाइनय् तयेयंकेगु ज्या न्ह्याकूगु दु । थुकियात सरकारपाखें लकडाउन अझ कडा यायेगु रणनीतिया रुपं काःगु दु ।

लकडाउनय् अस्थायी बसोबास याःगु थासय् समस्या जुइधुंकाः मनूत हप्तौ) बिकाm न्यासि वनाः थःपिनिगु छेँपाखे वनेगु यात्राय् दु । इमित सुरक्षित तरिकां छेँय् थ्यंकाः बिइत नेपाली कांग्रेसया सभापति शेरबहादुर देउवां नं आग्रह याःगु दु । निमुखाया कठिनाईया सरकार दर्शक जक जूगु धासें देउवां आलोचना तकं याःगु दु ।

प्रतिपक्षीया आग्रह निसें सर्वोच्चया आदेशतकयात हाथ्या बिसें प्रधानमन्त्री ओलीं झन हे कडाई यायेत निर्देशन ब्यूगु दु ।

सर्वोच्चया आदेश अःखःया कडाईयात बरिष्ठ अधिवक्ता दिनेश त्रिपाठीं कानून च्वय् हाथ्या धाःगु दु । वं धाःगु दु, ‘मानवीय समवेदना गुमेयायेधुंकूगु सरकार चलेयाइपिन्सं अदालतयात हाथ्या बिइगु पलाः न्ह्याकूगु दु ।’

Categorized in राजनीति