नेवा: अनलाइन न्युज | २०८० भाद्र ३१, आइतबार १६:२६:०६

प्रहरी वृत्त महाराजगञ्जं दुर्लभ वन्यजन्तु लुँ रंगया कछुवालिसें खुम्हेसित ज्वंगु दु ।

महाराजगञ्जया डिएसपी अमरबहादुर थापा क्षेत्रीया नेतृत्वय् खटेजूगु प्रहरी पुचलं ३५ लख तका दामं कारोवार यायेत्यंगु अवस्थाय् खुम्हेसित ज्वंगु येँया एसपी कुमोघ ढुंगेलं धाःगु दु ।

ढुंगेलया कथं ज्वंपिं काभ्रेया जयराम घिमिरे, रहर तामाङ, उदयपुरया राजकुमार राई, काभ्रेया सुदर्शन राई, नारायण थामी व रुपक बस्नेत खः ।

इमिसं टोखा ५ य् च्वंगु सुनकोशी क्याफेय् च्वनाः लुँ रंगया कछुवा मिइत्यंगु खः । ज्वंपिं खुम्हेसित जिल्ला वन ज्याकुथि हात्तिसार छ्वःगु एसपी ढुंगेलं धाःगु दु ।

Categorized in दुर्घटना-अपराध