ad prabhu

‘लिपुलेक, लिम्पियाधुरा व कालापानी नेपाःया खः, न्हूगु नक्सा तयार यायेगु जुइ’ –राष्ट्रपति भण्डारी

नेवा: अनलाइन न्युज – ललेन्द्र शाक्य | २०७७ जेठ २, शुक्रबार २१:४२:११

सरकारं लिम्पियाधुरा, लिपुलेक व कालापानी क्षेत्रयात कःघाना नेपाःया न्हूगु नक्सा सार्वजनिक यायेगु घोषणा याःगु दु ।

राष्ट्रपति विद्यादेवी भण्डारीं संघीय संसदय् पेश याःगु वइगु आर्थिक दँया नीति व कार्यक्रमय् लिम्पियाधुरा, लिपुलेक व कालापानी क्षेत्र नेपाःया भूमि जूगु व थुकियात प्राप्त यायेत ठोस कूटनीतिक पहल यायेगु न्ह्यथंगु दु । 

राष्ट्रपति भण्डारीं धाःगु दु, “तदनुरुप हे छुटेजूगु भूमि तकं दुथ्याकाः नेपाःया नक्सा सार्वजनिक यायेगु जुइ ।”

सीमा व्यवस्थापन यायेत थप बोर्डर आउट पोष्ट (बीओपी) पलिस्था यायेगु तकं राष्ट्रपति भण्डारीं धाःगु दु ।

सरकारी अधिकारीपिनिगु कथं नेपाःया आःया नक्साय् लिम्पियाधुरालिसें छुं क्षेत्र दुथ्याकातःगु मदु । संसदीय समितिं छुटेजूगु क्षेत्रयात कःघानाः न्हूगु नक्सा सार्वजनिक यायेत निर्देशन ब्यूसां नं आःतक कार्यान्वयन जूगु मदुनि ।

Categorized in राजनीति