Mohanai 2078 KTM

‘राष्ट्रिय सहमति याना एमसीसी पारित यायेमाः’ – माओवादी केन्द्र नेता दिनानाथ शर्मा

नेवा: अनलाइन न्युज – ललेन्द्र शाक्य | २०७८ आश्विन २२, शुक्रबार ११:५५:१०

नेकपा माओवादी केन्द्रया नेता दिनानाथ शर्मां राष्ट्रिय सहमति यानाः एमसीसी पारित यायेगु दिशापाखे सरकार न्ह्यःने वंगु धाःगु दु । एमसीसी जनताया सहलहया विषय जूगुलिं थुकी फुक्क दलतसें जिम्मेवारीपूर्वक ज्या यायेमाःगु नेता शर्माया धापू दु ।

नेता शर्मां नेकपा माओवादी केन्द्र दुने सरकारय् वनेगु खँयात कयाः छुं विवाद मजूगु दाबी नं याःगु दु ।

शर्मां धाःगु दु, ‘माओवादी केन्द्रय् सुयात नं ब्रेक तःगु मदु । नारायणकाजी श्रेष्ठ जिम्मेवार नेता खः । फुक्कसित मिलेयानाः वनेगु थासय् दु । आःया आवश्यकता कथं निर्णय जूगु जक खः । प्रधानमन्त्री जुइत ला प्रचण्डं नं चाहेजूगु खः । चाहे जुयां जक जिइला ?’

आत्म केन्द्रीत, व्यक्ति केन्द्रीत व स्वार्थ केन्द्रीत राजनीतिं मुलुकयात हे बदनाम याःगुलिं थुकी हिउपाः वये हे माःगु शर्मां ध्वाथुइकूगु दु । नेता शर्मां धाःगु दु, ‘जिमिसं राजनीतिक अधिकारया खं संविधानय् च्वया, तर संरचनागत हिउपाः मजुल । न्यायया संघर्षया सिमधल । वपाखें जनाता दथुइ निराशा ब्वलंगु दु । पार्टी दुने न मिलेयाये मफूगु, देसयात निकास बिइमफुगु स्थिति खनेदत । आः राजनीतिक अवसरवादपाखें च्वय् दनेमाः ।’

Categorized in राजनीति