zero media family planning adv

‘पृथ्वी जयन्ती’या विरुद्ध असनय् मुनीगु

नेवा: अनलाइन न्युज – ललेन्द्र शाक्य | २०७४ पौष २३, आइतबार १४:५६:४७

'झीसं छाय् पृथ्वीनारायण शाहया विरोध यायेमाः' धैगु विषययात कयाः पुस २५ गते मंगलवाः न्हिनसिया ३ ता इलय् खुसिबुइँ च्वंगु नेपाः ब्यांक्वेटय् भेला

थ्वहे वइगु पुस २७ गते बिहिवाः ‘पृथ्वी जयन्ती’या दिंकुन्हु नेवाःत असनय् मुनाः पृथ्वीनारायण शाहया विरुद्ध ज्याझ्वःयाइगु जूगु दु ।

राज्य विस्तारया नामय् नेवाःतय्गु भाषा, जाति, संस्कृति सकतां न्हंकेगु ज्या याःम्ह पृथ्वीनारायण शाह नं याःगु धासें नेवाःलिसें आदिवासी जनजातिपिन्सं विरोध यानाः वयाच्वंगु दु । तर, सरकारं इतिहासया ध्याकुनय् लायेधुंकूम्ह जुजु पृथ्वीनारायण शाहया नामं थीथी ज्याझ्वः यायेगु यानाः वयाच्वंगु दु ।

पुस २७ गते पृथ्वी जयन्तीया न्हिइ नेपाः युथ अर्गनाइजेशनं येँया असनय् मुनाः असनंनिसें किपूतक मोटरसाइकल ¥याली यासें किपूली पृथ्वीनारायण शाहयात थुकलं बिइत पलिस्था यानातःगु छ्याकं ल्वहँतय् ज्याझ्वः तयातःगु दु ।

नेवाः जागरण मञ्चं नेपाः युथ अर्गनाइजेशनं यायेत्यंगु थुगु ज्याझ्वःयात ऐक्यबद्धता प्वंकूसें उगु हे न्हिइ सुथसिया ११ ता इलय् असनय् मुनाः पृथ्वीनारायण शाहया विरुद्ध प्लेकार्ड प्रदर्शन याइगु व मोटरसाइकल ¥यालीइ ब्वति काइगु जूगु दु ।

मञ्चं थुगु ज्याझ्वः ताःलाकेगु नितिं झीसं छाय् पृथ्वीनारायण शाहया विरोध यायेमाः धैगु विषययात कयाः पुस २५ गते मंगलवाः न्हिनसिया ३ ता इलय् खुसिबुइँ च्वंगु नेपाः ब्यांक्वेटय् भेला सःतूगु दु । लिसें उगु भेलाय् ब्वति कायेत नं मञ्चं सकलसित इनाप याःगु दु ।

Categorized in राष्ट्रिय