Mohanai 2078 KTM

‘नामांकनया नितिं ‘पहिचान संवाद ज्याझ्वः’ –नरेश ताम्राकार (अडियो)

२०७५ जेठ २, बुधबार १९:४३:३८

नेवाः देय् दबूया नायः नरेश ताम्राकारं ३ नम्बर प्रदेशया नां नेवाः–ताम्सालिङ प्रदेश नामांकन यायेगु नितिं थ्वहे वइगु जेष्ठ ४ गते शुक्रवाः न्हिनसिया ३ ता इलय् सातोआकी लुमन्ति भवनय् ‘पहिचान संवाद’ विषयक ज्याझ्वः दूगु जानकारी बियादीगु दु ।
लिसें वय्कलं उगु ज्याझ्वलय् नेवाः न्ह्यलुवाः देय् दबूया संरक्षक मल्ल के. सुन्दर व नेपाल तामाङ घेदुङया संरक्षक परशुराम तामाङं उगु ज्याझ्वलय् विशेष सम्बोधन याइगु जानकारी नं बियादीगु दु ।
थ्व इलय् नेवाः देय् दबूया जिल्ला अधिवेशनया नितिं भाजु ताम्राकार सुर्खेत भ्रमणय् दी । भाजु ताम्राकार नेवाः–ताम्सालिङ समन्वय समिति नेवाःतय् पाखें संयोजक जुयादी ।

( वय्कःलिसे नेवाः अनलाइनन्यूजं थौं बुधवाः पहिचान संवादया ज्याझ्वः व जिल्ला भ्रमणयात कयाः यानागु टेलिफोन वार्ता थन क्लीक यानाः न्यनादिसँ । )