Header Nepal rastra bank Adv

‘देय् बर्बाद जुइगुपाखें बचेयायेत एमालें त्याकेमाः’ –ओली

नेवा: अनलाइन न्युज – ललेन्द्र शाक्य | २०७९ श्रावण २०, शुक्रबार १५:२०:०२

नेकपा एमालेया नायः केपी शर्मा ओलीं थःपिन्त चुनाव बुइगु छुट मदूगु धाःगु दु । येँय् जूगु छगू ज्याझ्वलय् ओलीं देसयात बुकेमबिइत एमालें चुनाव त्याकेमाःगु धाःगु खः ।

‘चुनाव बूसा एमालेया नितिं ला छुं मदु, न्यादँ प्रतिपक्षय् च्वनाः देस व जनताया पक्षय् न्वःवाइ । तर एमाले बूसा देस बुइ, एमालें त्याकेहे माःगु हुनिं छु दु धाःसा देसयात त्याकेमाःगु दु ।’

आःया सरकारं दच्छिया दुने हे देसयात दुर्गतिइ यंकूगु धासें ओलीं इमिसं थप न्यादँ थथेहे यानाः देस चलेयाःसा खत्तम जुइगु धाःगु दु । देसयात बर्बादीपाखें बचेयायेगु नितिं एमालें चुनाव त्याकेमाःगु खँ लिसा कयाः धाःगु दु ।

सत्तारुढ गठबन्धनया नेतापिनिगु छुं गन्तव्य हे मदूगु ओलीं द्वपं ब्यूगु दु । ओलीं धाःगु दु, ‘मोहन विक्रम सिंहया गन्तव्य छुखः धायेबलय् प्युठान थःथःगु दु, शेरबहादुरया छु खः धायेबलय् म्याडम साहेबा, प्रचण्डया गन्तव्य छु खः धायेबलय् सुपुत्री । थुज्वःथुज्वःगु गन्तव्य ज्वनाः वनाच्वंगु दु इपिं । उकिया नितिं न्ह्याग्गु नं याइ । न्ह्यात्थे जाःगु कूकृत्य यायेत नंतयार दु ।’

ओलीं हाकनं धाःगु दु, ‘माधव नेपालया ला नां मकाःसां ज्यू, वया ला छटपटीइ हे जुनी फुइ, गन्तव्य सन्तव्य छुं मदु, विचराया ।’

Categorized in राजनीति