zero media family planning adv

‘जी स्पट’ लुइकेगु वैज्ञानिकतय् कुतः

२०७३ भाद्र २५, शनिबार २३:१४:०३

   
‘जी स्पट’ यात मिसातय्त यौन सन्तुष्टि बिइत जिम्मेवार कोशिकाया रुपय् कया वयाच्वंगु दु । मिसातय् यौन सन्तुष्टिइ ‘जि स्पट’या भूमिकायात कया वैज्ञानिकतय् दथुइ ताःई न्ह्यःनिसें बहस न्ह्याना वयाच्वंगु दु । वैज्ञानिकतसें अल्ट्रासाउन्ड यानाः थुकियात लुइके फइ धाःगु दु । अनुसन्धानकर्तातसें न्यू साइटिस्ट पत्रिकायात धाःकथं मिसातय् यौनअंगय् छगूकथंया खास कोशिकात दइ, गुकिया कारणं उमित यौन सम्पर्कया ¤वलय् चरम सन्तुष्टि प्राप्त जुइ ।
    यौन सम्पर्क धुंकाः आपा मिसातसें अनुभव याःगु दु कि जनेन्द्रीयया खास हिस्साय् उत्तेजना उत्पन्न यात धाःसा यौनया सुखद् अनुभव जुइ । जी स्पटया अनुसन्धान यानाच्वंपिं डाक्टरतसें दावी याःगु दु कि मिसातय् यौन अंगय् खास कोशिकात दइ गुगु कि मेगु कोशिकात स्वयाः आपा तःपु जुइ । थ्व हे जी स्पट वा खास कोशिकाया कारणं हे मिसातसें यौन चरम सुखया अनुभव यायेफइ ।


    बास्तवय् यौनया सम्बन्धय् थीथी मिसातसें थीथी अनुभव कनेगु याः । गुलिखे मिसातय् अनुभव कथं यौन सम्पर्क धुंकाः तकं उमित चरम आनन्दया अवस्थाय् तक थ्यंके मफुत अले गुलिखे मिसातसें धाःसा थःपिन्त यौनया चरम सन्तुष्टि हासिल जू धायेगु नं याः । तःक्वः मछिया सम्पर्क धुंकाः नं सुख प्राप्त याये मफुपिं मिसापिनिगु स्वभावय् ल्वापु थइगु व चिडचिडापन दयेफु । थुकथंया समस्या ब्यक्तिगत जक मखया पारिवारिक व सामाजिक समस्या तकं जूगु जुया थुकिया समाधान मालेगु वैज्ञानिकतय् आज्जु खः ।  मिसापिन्त उकथंया मानसिक तनावं मुक्त यायेत चरमसुख प्राप्त याये फयेकेगु लागि वैज्ञानिकतसें यानाच्वंगु जी स्पटया खोजं लाभ जुइगु खंकेफु ।


    गुलिसियां गुलिं मिसातय्के जी स्पट मदुगु कारणं यानाः परम सन्तुष्टि हासिल याये मफुगु तकं धायेगु याः । थुगु सम्बन्धय् वैज्ञानिकतसें १९८० निसें अनुसन्धान यानाच्वंगु दु । उगु इलय् निसें हे जी स्पटया अस्तित्वया विषययात कयाः विवाद ब्वलनाच्वंगु दु । गुलिखे वैज्ञानिक चिकित्सकतसें धाःसा अनुसन्धान पूमवंगु धासें चरमसुख बिइत जिम्मेवार मेगु कारक नं दयेगुफु धाःगु दु ।
    अक्यूला विश्वविद्यालयया डा. इमेनुएन जेनिनं जी स्पटया खोजया लागि २० म्ह मिसातय्गु परिक्षण याःगु खः । अल्ट्रासाउण्ड यानाः थुपिं फुक्क मिसातय् अंगय् जी स्पटया खास कोशिकाया आकार व उमिगु प्रकारया अनुसन्धान याःगु खः । थुगु परिक्षणया ¤वलय् चरम सुख प्राप्त यानागु दावी याःपिं गुम्ह मिसातय् जी स्पट जनेन्द्रीय व मुत्रमार्गया दथुइ दुगु लुइकल । मेगु छु नं लुयावल धाःसा थुपिं गुम्ह मिसातय् जनेन्द्रीयया थुगु ब्व ल्यंपिं झिंनिम्ह मिसातय् कोशिका स्वयाः भचा तःपु खनेदत । डा. जेनिनिं दावी याःगु दु कि थ्व न्हापांखुसी खःकि साधारण व म्हो जक खर्च यानाः गुम्ह मिसायात जी स्पट दु अले गुम्हेसिके मदु धकाः लुइकेत ताःलात ।


    लन्डनया सेन्ट थोमस अस्पतालया डा. टिम स्पेक्टरं थ्व कोशिका स्त्री अंगया क्लाइटोरियसया छगू ब्व जूगु धाःगु दु । क्लाइटोरियस नं मिसा अंगया छगू अति संवेदनशील ब्व खः । लन्डनया हे युनिभर्सिटी कलेजया सेक्स साइक्लोजिस्ट डा. पेट्रा बोयनटनं धाःसा जी स्पटया खं मिसातय्त निरास व हतास यानाब्यूगु दु । वयाकथं जी स्पटया खँ वयेवं गुलिखे मिसातसें जी स्पट मदुगु कारणं चुरम सुख हासिल याये मफइगु खःला वा थः पासायात सुख बिइमफइगु खःला धकाः चिन्ता कायेगु याः । वयाकथं दक्व मिसाया अंगया बनावट पानाच्वनी । गुलिंसिया जी स्पट वया जनेन्द्रीयया दुने दइ धाःसा गुलिसिया दइमखु । वयाकथं मिसातसें थःगु म्हय् जी स्पट दु ला कि मदु धकाः जक चिन्ता कयाच्वनेगु आवश्यक मजू । अथे यात धाःसा वं जी स्पटया बारे जक चिन्ता कयाच्वनी अले मेगु दक्व खँ धाःसा त्वःफिनाच्वनी । – उखें थखें