city axpris 2

‘जिबी राईयात रवि लामिछानें सुचुकल’ – माओवादी सांसद दोङ

नेवा: अनलाइन न्युज – ललेन्द्र शाक्य | ने.सं. ११४४ पोहेलागा त्रयोदसी

नेकपा माओवादी केन्द्रया नेता लिसें प्रतिनिधिसभा दुजः सूर्यमान दोङं सहकारी ठगी प्रकरणय् फरार जिबी राईयात राष्ट्रिय स्वतन्त्र पार्टी (रास्वपा)या सभापति रवि लामिछानें सुचुकूगु द्वपं ब्यूगु दु ।

सांसद दोङं जिबी राई व रवि लामिछानेदथुइ न्हिथं संवाद जुयाच्वंगु व रविया हे संरक्षणय् तयातःगु धाःगु दु ।

नेता दोङं धाःगु दु, ‘जिबी राईलिसे आः नं डे टु डे नापलाये ज्या जुयाच्वंगु दु रविया । आः जिबी राईयात सुचुकूगु हे रविं खः । रविजीं तःक्वःमछि जिबी राईलिसे सहलह यानाच्वंगु दु, संवाद यानाच्वंगु दु ।’

सहकारी ठगी प्रकरणय् अदालतं नं पीडित जनताया पक्षय् फैसला यायेमाःगु नेता दोङया माग दु । अदालतं पीडित जनताया पक्षय् फैसला मयाःसा जनता थःपिं हे जागरुक जुयाः फैसला याइगु दोङया धापू दु । वं सहकारी ठगी प्रकरणय् सरकारं दां पुलेमफइगु धाःगु दु । सुनां दां ठगेयाःगु खः वपाखें हे सरकारं पुइकाः तुं त्वःतीगु दोङया धापू दु ।

नेता दोङं न्ह्यसः तःगु दु, ‘अदालतं जनताया पक्षय् निर्णय मयात धाःसा, पीडित जनताया पक्षय् न्वःमवात अदालतं धाःसा पीडित जनाया पक्षय् जनता थःपिं हे जागरुक जुयाः वइ । कायेगु ला कयातुं त्वःती ठगपिंके । रवि लामिछानेलुटे यायां जुइगु, ठगे यायां जुइगु अले मेम्हेस्यां पुली ला ?’

लिसें बुधवाः प्रतिनिधि सभाय् नेपाली कांग्रेसया महामन्त्री गगनकुमार थापां ल्ह्वंगु विषयस फुक्क सांसदपिनिगु ध्यानाकर्षण जुइगु जरुरी जूगु सांसदलिसें नेता दोङं धाःगु दु । गगनया अभिव्यक्तिप्रति थःगु समर्थन दूगु दोङं धाःगु दु ।

सांसद दोङं धाःगु दु, ‘गगनजीं बुधवाः गुगु खँ तयादिल, यदि इमान्दार खःसा गगनं धाःगु खँय् वनेमाल पासापिं । गगनजीं तःगु खँप्रति जिगु समर्थन दु ।’

Categorized in राजनीति