zero media family planning adv

‘जनतायात सतकय् वयेके हे बिइमखु, माःसा संकटकाल याये’ –आपूर्तिमन्त्री भट्ट

नेवा: अनलाइन न्युज – ललेन्द्र शाक्य | २०७६ चैत्र १४, शुक्रबार १३:४०:३२

जनतायात छुं वा सतकय् वयेके हे मबिइगु नं धाःगु दु । आवश्यक जूसा सरकारं संकटकाल घोषणा यानाः जूसां नं न्ह्यःने वनेगु मन्त्री भट्टया धापू दु ।

उद्योग, वाणिज्य व आपूर्तिमन्त्री लेखराज भट्टं सरकारं तःगु लकडाउनय् जनतां बांलाक्क साथ व समर्थन याःगु स्पष्ट याःगु दु । मन्त्री भट्टं धाःगु दु, “सरकारया पला अतिकं सफल जूगु दु । व, उगु पलाःयात सुथां लाकेगु नितिं जनतां नं साथ बिइमाः । आः जित महसुस जूगु खँ छु धाःसा जनतां जिमित साथ ब्यूगु दु । जनता जिमिगु साथय् दु । उकिं जिमिगु छुं नं योजना व ज्यात सुथां मलाइ धैगु न्ह्यसः हे मदु ।”

मन्त्री भट्टं विदेशं वःपिं नेपाःमिपिनत फयांफतले क्वारेन्टाइनय् च्वनेत थःपिन्स. आग्रह यानागु लुमंकूसें उकिया नितिं सरकारं वहे कथं पलाः न्ह्याकाच्वंगु नं स्पष्ट याःगु दु । मन्त्री भट्टं धाःगु दु, “जिमिगु आग्रह दु कि विदेशं वःपिं नेपाःमिपिन्सं फयांफतले क्वारेन्टाइनय् च्वनादिसँ । यदि क्वारेन्टाइनय् च्वनागु मदुसा नं छें दुने हे आईसोलेट जुयाः च्वनादिसँ । यदि छिगु स्वास्थ्यय् छुं समस्या वःसा तत्काल जानकारी बियादिसँ ।”

मन्त्री भट्टं लकडाउन अवधिज्वःछि सकल उपभोक्ताय् छुं खँया नं कमी जुइके मबिइगु कथं सरकारं तयारी याःगु दाबी याःगु दु । वं खाद्यान्न लिसेंया अत्यावश्यक वस्तु छेँय् छेँय् हे डेलिभरी यायेगु कथं व्यवस्था नं मिलेयानागु खँ न्यंकूगु दु । वं जनतायात छुं वा सतकय् वयेके हे मबिइगु नं धाःगु दु । आवश्यक जूसा सरकारं संकटकाल घोषणा यानाः जूसां नं न्ह्यःने वनेगु मन्त्री भट्टया धापू दु ।

Categorized in राजनीति