kmc bidya

‘चि’ थिकेयानाः म्यूम्ह ब्यापारीयात २ लख तका जरिवाना

नेवा: अनलाइन न्युज – ललेन्द्र शाक्य | २०७७ बैशाख १२, शुक्रबार १०:५५:१४

वाणिज्य, आपूर्ति व उपभोक्ता संरक्षण विभागं क्वःछ्यूगु मूसिबें अप्वः दां कयाः उपभोक्तापिन्त ‘चि’ म्यूम्ह यलया इमाडोलय् च्वंगु कटुवाल स्टोर्सयात २ लख तका दां जरिवाना याःगु दु ।

विभागया पुचलं याःगु अनुगमनया झ्वलय् व्यापारीं उपभोक्तायाके ‘चि’इ क्वःछ्यूगु सिबें अप्वः मू काःगु लायेधुंकाः उपभोक्ता संरक्षण ऐन २०७५ कथं जरिवाना याःगु खः ।

अथेहे, विभागं मूल्य सूची मतःसे लाक्वपाक्व म्यूगु धासें येँया ज्ञानेश्वरय् च्वंगु राजेन्द्र मिट सप, यलया इमाडोलय् च्वंगु मुकेश जुस तथा फलफूल पसल व बाबुलाल फलफूल तथा तरकारी पसल सकसित ५०–५० हजार तका जरिवाना याःगु दु ।

Categorized in बजाः