kendriya tathyank bhibhag ad

‘ख्वताबजि’या मोहनीया लसता ज्याझ्वलय् ‘लक्का पठ्ठाया उमेरय्...’ म्यूजिक भिडियो प्रिमियर (भिडियो)

नेवा: अनलाइन न्युज – Bijay Ratna | २०७८ आश्विन २७, बुधबार १६:३४:५५

‘ख्वताबजि कलाकार पुचः’या ग्वसालय् जुजुभाई तुलाधरया ‘लक्का पठ्ठाया उमेरय्...’ म्येया म्यूजिक भिडियो प्रिमियर जुउगु दु । 

शनिवाः येँया पाराडाइज ब्यांक्वेटय् जुउगु ज्याझ्वलय् प्रिमियर जुउगु म्येया च्वमि व गायक जुजुभाई तुलाधर खःसा एरेञ्जर, लय् चिनामि व रेकर्डिष्ट बिरेनकुमार शाक्य खः । 

उगु भिडियोया निर्देशन सुरेन्द्र तुलाधर, छाँयाङ्कन देवेन्द्र महर्जन व सम्पादन सुनिलकृष्ण ताम्राकारं यानादीगु खः । अथेहेतुं थ्व म्येया हुलाप्याखं स्यनामि भोगेन्द्र मानन्धर, समाः  भोगेन्द्र मानन्धर व रूमन जोशीं यानादीगु खः । 

थुके लोकंह्वागु नेवाः टिभि ज्याझ्वः ‘ख्वताबजि कलाकार पुचः’या कलाकारपिन्सं अभिनय यानादीगु दु । 

जुजुभाई तुलाधर व मंगललक्ष्मी तुलाधरं न्ह्यब्वयादीगु उगु मोहनी नखः, स्वन्ति नखःया भिन्तुना कालबिल ज्याझ्वः कथं साँगितिक ज्याझ्वः नं जुउगु खः ।

ज्याझ्वलय् पबित्र कसा, निल शाक्य, अमर चित्रकार, गोबिन्द ह्यूमत, सुरज ब्यञ्जनकार, गंगादेवी महर्जन, भुपेन्द्र बज्राचार्य,  यमन श्रेष्ठ, भोगेन्द्र मानन्धर, रञ्जना सितिखु, देबकाजि महर्जन, बुध्द महर्जन, बिमला महर्जन, बिना महर्जन, मिनर्वा, रबिन्सन कंसाकार, सुमन मानन्धर व सुरेन्द्र तुलाधरपिन्सं साँगितिक ज्याझ्वः न्ह्यब्वयादीगु खः ।

(थन क्लीक यानाः भिडियो स्वयादिसँ)

Categorized in कला