zero media family planning adv

‘केपी ओेलीं मेगु अफगानिस्तान यायेत्यंगु दु नेपाःयात’ –पूर्वमन्त्री किराँती

नेवा: अनलाइन न्युज – निश्चल | २०७६ माघ २९, बुधबार १३:०१:०१

नेकपा व कांग्रेसं एमसीसीया ५५ अर्ब दां इनाः नयेधुंकल !

गोपाल किराँतीयाके ताःहाकःगु कम्युनिष्ट राजनीतिया अनुभव दु । न्ह्याबलें विद्रोही स्वभाग क्यनीम्ह नेताया म्हसीका दयेकेत ताःलाःम्ह किराँती लिपांगु इलय् ९ गू कम्युनिष्ट दलया गठबन्धनया छम्ह नेता नं खः । पूर्वमन्त्री किराँतीं समसामयिक राजनीतिक अवस्थाया विषयस थःगु नुगःखँ प्वंकूगु दु ।

जिपिं सतक आन्दोलनया तयारीइ दु । निगू विषययात कयाः सतक आन्दोलन यायेगु योजना दयेकुगु दु । खासयानाः ९ गू कम्युनिष्ट पार्टीतय्गु पुचः जानाः थ्व आन्दोलनया तयारी यानागु दु । इन्डोप्यासिफिक अन्तर्गत वःगु एमसीसी सम्झौतां नेपाःयात मेगु अफगानिस्तान दयेकेत्यंगु दु । उकियात पनेमाः धैगु खः । मेगु लिम्पियाधुरा लिसेंया थासय् हड्पेजूगु भूमि लितकायेगु नितिं सरकारं राष्ट्रिय सहमति धाःगु खः, व कार्यान्वयनया नितिं सतक आन्दोलनया तयारी यानागु दु ।

एमसीसीइ खासयानाः स्वंगू भयानक खँत दु । न्हापांगु नेपाःया बौद्धिक सम्पत्तिइ अमेरिकाया हक जुइमाःगु । निगूगु एमसीसीया व नेपाःया कानुन बाझेजूसां नं व मान्य जुइगु व स्वंगूगु नेपालय् न्ह्याग्गु यायेमाःसा उकी भारतया स्वीकृति कायेमाःगु धायेधुंकाः, म्हिगः सुगौली सन्धिं  बच्छि नेपाः समाप्त यात । आः निगूगु सुगौली सन्धि जुइत्यंगु दु, उकिं मुक्कं नेपाः समाप्त यायेत्यंगु दु । अमेरिकां साम्राज्यवाद थोपारे यायेत्यंगु दु, व धैगु युद्ध खः ।

सतक आन्दोलनय् राजनीतिक दल, नेता व कार्यकर्ता हे वनीगु खः । व आवश्यकता बोध जुल धाःसा जनता उकी वइगु खः, उकिं जिमिसं पहल यानाच्वनागु दु । एमसीसी विकास व पूर्वाधारया नितिं खःसा एसआईडी नं दु । वपाखें याःसां नं ज्यू । मू रुपं अमेरिका व भारतया उपनिवेश नेपाःयात दयेकेगु योजना दु । उकी केपी ओली सरकार लम्पसार जूगु स्थितिं तःधंगु संकट ब्वलनेत्यंगु दु । गाउँखाने कथा दुने “बांलाःगु फुक्क जिगु, बांमला:गु फुक्क छंगु” धाःथें थ्वपाखे. शक्ति राष्ट्रया युद्ध जुइगु व उकिया भागिदार नेपाल जुइमाःगु जूगुलिं जिमिसं विरोध व प्रतिरोध याये । लिसें अथे मयायेमा सरकारं धकाः अझ नं आग्रह यानाच्वना । 

एमसीसी पारित यायेत सरकार पक्ष नेपाल कम्युनिष्ट पार्टी व प्रमुख प्रतिपक्षी दल नेपाली कांग्रेस मिलेजूगु धाःगु डबल नेकपा व नेपाली कांग्रेस छगू हे गालय् कुतुंवनी, स्वयाच्वं छु. ई दुने । एमसीसीइ खासयानाः स्वंगू भयानक खँत दु । न्हापांगु नेपाःया बौद्धिक सम्पत्तिइ अमेरिकाया हक जुइमाःगु । निगूगु एमसीसीया व नेपाःया कानुन बाझेजूसां नं व मान्य जुइगु व स्वंगूगु नेपालय् न्ह्याग्गु यायेमाःसा उकी भारतया स्वीकृति कायेमाःगु धायेधुंकाः, म्हिगः सुगौली सन्धिं  बच्छि नेपाः समाप्त यात । आः निगूगु सुगौली सन्धि जुइत्यंगु दु, उकिं मुक्कं नेपाः समाप्त यायेत्यंगु दु । अमेरिकां साम्राज्यवाद थोपारे यायेत्यंगु दु, व धैगु युद्ध खः । उकी जिमिगु विरोध दु । विरोध यायेगु हे देशभक्ति खः ।

म्हिगः कोशी, गण्डकी लिसेंया खुसित सम्झौता जूबलय् ला जिमित देसया राजनीतिक गतिविधि मस्यूगु खः । महाकाली सन्धिया इलय् नं भारतयात बिल धाःसा छुं नं छुं जुइ धकाः म्हो जक तिंतिंन्हूगु मखु, आः ला छुं जूगु मदु । अःखतं व महाकाली ब्यूबलय् लिम्पियाधुरा, कालापानाी लिसेंया भूमि भारतं थःगु नक्साय् लाकेगु ज्या याःगु दु । झीगु सरकार धाःसा मौनधारण यानाच्वंगु दु । मंसीरय् अमेरिकाया छम्ह सांसदं धम्कीपूर्ण भाषण याःबलय् नेपाःया मन्त्रिपरिषद् निर्णय बदर याइ । थथे अमेरिकाया सांसदं धम्की ब्यूबलय् निर्णय लितकाइ धाःसा । अनया राष्ट्रपतिं हे धम्की ब्यूगु जूसा झी राष्ट्रपति, प्रधानमन्त्रीपिन्सं छु याइगु जुइ ? उकिं आः थ्व एमसीसीइ झीगु देसया सरकार व उकी नेतृत्व याइपिं नेतापिं लेन्डुप दोर्जे जुइत्यंगु दु । उपिं लेन्डुप दोर्जेपिन्त कारवाही यायेत जिमिसं जनसमर्थन लिसें सतक आन्दोलनय वनेत तयार यानागु खः ।

एमसीसी ज्वनाः अमेरिका व ओली सरकारं नेपाःयात अफगानिस्तान दयकेत्यंगु दु । जिमिसं धाःसा गुकथं भियतनाम दयेकेगु धका: अध्ययन यानाच्वना । फागुन १ गते बिहिवाः जनयुद्ध दिवसया लसताय् देय् न्यंकं न्यासी वनेगु ‘पैदल यात्रा’ यानाः जनसांस्कृतिक अभियान न्ह्याकेगु तयारी नं यानागु दु ।

एमसीसी पारित याकेत उकिया प्रतिनिधि हे नेपाः वयेधुंकूगु अवस्था जूसां नं एमसीसीयात पारित मयायेमा धैगु जिमिगु आग्रह खः । अटेर यानाः पारित यात धाःसा जिमिगु उकी विरोध जुइ । एमसीसी ज्वनाः अमेरिका व ओली सरकारं नेपाःयात अफगानिस्तान दयकेत्यंगु दु । जिमिसं धाःसा गुकथं भियतनाम दयेकेगु धका: अध्ययन यानाच्वना । फागुन १ गते बिहिवाः जनयुद्ध दिवसया लसताय् देय् न्यंकं न्यासी वनेगु ‘पैदल यात्रा’ यानाः जनसांस्कृतिक अभियान न्ह्याकेगु तयारी नं यानागु दु ।

म्हिगः नापं जनयुद्ध याःम्ह प्रचण्डं कम्युनिष्टपिं एकताबद्ध जुयाः देसया नेतृत्व यानाच्वन धका: धाइ छथ्व मनूतसें । अथे मखु, प्रचण्ड जक म्वानाः जिइमखु, मेपिं नं म्वायेमाः । प्रचण्ड जक दयां मयाः, मेपिं नं दयेमाः । गुबलेतक जनतन्त्र, जनस्वतन्त्रता दइमखु उबलेतक सकस्यां थःगु कुतः जारी यानाः तयेमाः । आः ला जिमिसं जनविद्रोह धयाच्वनागु मदु, व जिमिगु रणनीतिक आज्जु खः ।

प्रचण्डया थ्वहे धैगु खास हे विश्वास मदु, एमसीसीइ धाःसा गथे गथे ओली, उखेपाखे हे प्रचण्ड जुइ धैगु थुइकेमाः ।

एमसीसीया विषयस नेकपा व नेपाली कांग्रेसया समर्थन दूगु धैगु खँय् जिमिसं उकी मेगु आशंका यानागु दु । व छु धाःसा नेकपा व नेपाली कांग्रेसं एमसीसीया ५५ अर्ब दां इनाः नयेधुंकूगुलिं ला लम्पसार जूगु खः कि धयाथें ताः ।

एमसीसीया विषयस धायेगु खःसा प्रचण्ड थुकी “लालुपाते नुहियो भुइँतिर, कि लाऊ माया मैतिर कि लाऊ उहीतिर, लगाऊ दुईतिर...” धैगु म्येथें खः । आः प्रचण्ड पूर्व–पश्चिम–उत्तर–दक्षिण प्यख्येंरं खः । प्रचण्डया थ्वहे धैगु खास हे विश्वास मदु, एमसीसीइ धाःसा गथे गथे ओली, उखेपाखे हे प्रचण्ड जुइ धैगु थुइकेमाः ।

Categorized in बिचा: