coved ad

‘कुचुकुचु मिँ...’या म्ये हालामि डा. रानी शाक्य ‘ट्यालेन्ट अफ युरोप–स्पेन’य्

नेवा: अनलाइन न्युज – ललेन्द्र शाक्य | २०७८ पौष २०, मंगलबार १२:२६:४३

वंगु असोज ९ गते सार्वजनिक जूगु नेपालभाषाया ‘कुचुकुचु मिँ...’ बोलया म्यूजिक भिडियोया म्ये हालामि डा. रानी शाक्य ए ग्रेड कन्टेष्टया ‘ट्यालेन्ट अफ युरोप–स्पेन’य् सःपाखें नोभेम्वर २१ स नोमिनेशनय् लाःगु दु ।

थुगु म्येया च्वमि शैलेन्द्र श्रेष्ठ खःसा लय् चिनामि व संगीत संयोजक भूपेन्द्र बज्राचार्य खः ।

अथेहे, थुगु म्येया म्यूजिक भिडियोय् रुपेन्द्र श्रेष्ठ थक्वाःमि व विनु शाक्यं अभिनय यानादीगु दुसा अथेहे, राजन शाहीं कोरियोग्राफी यानादीगु दु । थुगु म्येया निर्देशन प्रहिल कार्कीं यानादीगु दु ।

युरोप–स्पेनय् थुगु ‘कुचुकुचु मिँ...’ म्यूजिक भिडियो जक मखुसे नेवाः भाषा, धर्म, कला–संस्कृति, भेषभूषा, तजिलजियात युरोपय् तकं म्हसीका बिइत ताःलाःगुलिं म्ये हालामि डा. रानी शाक्य उगु ट्यालेन्ट अफ युरोप–स्पेन’ ज्याझ्वलय् नोमिनेशनय् लायेत ताःलाःगु खः ।

म्ये हालामि डा. रानी शाक्यलिसें उगु म्यूजिक भिडियोय् दुथ्याःपिं सकल कलाकार, प्राविधिकलिसें सकलसित थीथी व्यक्ति व खलः पुचलं भिंतुना देछाःगु दु ।

Categorized in कला