nepal investment baink

‘कविताया लायकु’ उलेज्या व विचार गोष्ठी क्वचाल

नेवा: अनलाइन न्युज | २०८० कार्तिक १९, आइतबार १३:४५:०५

नेपालभाषा साहित्य ख्यलय् चिनाखँ च्वमि मिसापिनिगु न्हूपुस्ताया कुतः कथं नीस्वंगु ‘कविताया लायकु’या शनिवाः उलेज्याया नापनापं कवितायात कयाः विचार गोष्ठी जूगु दु ।

ज्याझ्वलय् जनकवि दुर्गालाल श्रेष्ठ  विशेष पाहाँ कथं झायादीगु खः । उगु ज्याझ्वः  डा. ज्योतिप्रभा तुलाधरया नायःसुइ जूगु खः । 

ज्याझ्वलय्  आधुनिक कवि डा. योगेन्द्र प्रधान, नांजाःम्ह साहित्यकार भुषणप्रसाद श्रेष्ठ, विश्लेषक डा. पुष्पराज राजकर्णिकार, कवयित्री मयजु प्रतिसरा सायमि लिसेलिसें थीथी व्यक्तित्वपिं विशेष पाहाँ कथं झायादीगु खः ।

‘कविताया लायकु’ उलेज्या नापनापं कवितायात कया वैचारिक गोष्ठीया रुपय् जूगु उगु ज्याझ्वलय् ‘कविताया लायकु’या बरिष्ठ न्वकू हिसिलिना शाक्यं लसकुस न्वचू व मेम्ह न्वकू बिनिता बज्राचार्यं सुभाय् न्वचू तयादीगु खः।

उगु ज्याझ्वःया उलेज्या कथं दबुलिइ च्वनादीपिं सकलें पाहाँपिन्सं त्वाःदेवापाखें सुकुन्दाय् मत च्याकादीगु खः ।

ज्याझ्वलय् जनकवि दुर्गालाल श्रेष्ठ लगायत न्हूपुस्ताया कवयित्रीपिं बीना नेम्कुल, मन्जु श्रेष्ठ सि, रेहना नकःमि मानन्धर, शोभा महर्जन व सबिना महर्जन लगायतं कविता न्यंकादीगु खः ।

ज्याझ्वःया मेगु सत्रय् कवितायात कया विचार गोष्ठी जूगु खःसा उके कवि सुरेशकिरण मानन्धर व प्राध्यापक राजनलाल जोशीं मू खँ न्ह्यथनादीगु खः ।

वयकःपिन्सं न्ह्यब्वयादीगु मूखँय् सहभागी दथुइ सहलह नं जूगु खः ।

ज्याझ्वःया मेगु सत्रय् कवितायात कया विचार गोष्ठी जूगु खःसा उके कवि सुरेशकिरण मानन्धर, कवि मयजु रजनीमिला व प्राध्यापक रास (राजनलाल) जोशीं मू ज्यापौ न्ह्यब्वयादीगु खः ।

वयकपिन्सं न्ह्यब्वयादीगु मूखँय् सहभागी दथुइ सहलह नं जुया लिच्वः न्ह्यब्वःगु खः । साहित्य अन्वेषक नेपालभाषा एकेडेमीया सदस्य सचिव डा. पुष्पराज राजकर्णिकारं सहजीकरण यानादीगु उगु वैचारिक गोष्ठीया लिच्वः कथं  नेवाः न्ह्यलुवा आख्यानकार नेपालभाषा एकेदेमिया भाइस चान्सलर मल्ल के सुन्दरंं मूखँ न्ह्यब्वयादीगु खः ।

Categorized in कला