prabhu baink new

‘एकीकृत वस्ती बाहेक मेगु विकल्प झीसँ मखं’–मचाराजा महर्जन (टेलिफोन वार्ता)

येँया १८ वडा दुम्बो चुक एकीकृत वस्ती पुनःनिर्माण अभियानया कजिलिसें नेवाः आन्दोलनया सक्रिय कार्यकर्ता मचाराजा महर्जनं एकीकृत वस्ती बाहेक मेगु विकल्प मखंगु विचाः प्वंकादीगु दु ।

नेवाः अनलाइनन्यूजलिसे थौं सोमवाः जूगु टेलिफोन वार्ताय् वय्कलं आः १८ वडा दुम्बो चुकया एकीकृत वस्ती पुनःनिर्माण अभियान तसकं उत्सुकता ढंगं न्ह्यानाच्वंगु खँया जानकारी नं बियादीगु दु ।

२०७२ सालया तःभुखाय् ब्वःगु स्वदँ ई फुइधुंकाः नं दुम्बो चुक एकीकृत वस्ती पुनःनिर्माण यायेगु ज्या लिपा लाः वनाच्वंगु खँयात ध्वाथुइकादिसें कजि महर्जनं राजनीतिक हिउपाःया हुनिं पुनःनिर्माण ज्या लिपा लाःगु खँ कनादिसें आः नगरपालिका, प्राधिकरण लिसे त्रिपक्षीय सम्झौता जुयाः न्ह्याइगु अवस्था ब्वलंगुलिं आः याकनं हे पुनःनिर्माण ज्या क्वचायेकेगु विचाः प्वंकादिल ।

(थन क्लीक यानाः न्यनादिसँ नेवाः अनलाइन न्यूजया सम्पादक ललेन्द्र शाक्यं एकीकृत वस्ती पुनःनिर्माण अभियानया कजिलिसें नेवाः आन्दोलनया सक्रिय कार्यकर्ता भाजु मचाराजा महर्जनलिसे यानागु टेलिफोन वार्ता)