zero media family planning adv

८८ करोड तका घाटा म्हो यायेत पेट्रोलियम पदार्थया मू थप नितका दां थकाल

नेवा: अनलाइन न्युज – ललेन्द्र शाक्य | २०७७ चैत्र २३, सोमबार ११:५४:३७

नेपाल आयल निगमं पेट्रोलियम पदार्थया मू थौं सोमवाःनिसें हाकनं थकाःगु दु । लिपांगु इलय् निगमं पेट्रोलय् प्रतिलिटर नितका दां थकाःगु दु ।

न्हूगु मू कथं आः पेट्रोल प्रतिलिटर १२० तका थ्यंगु दु । अथेहे, डिजेल व मचिकनय् तकं प्रतिलिटर नितका दां हे थकाःगु दु । न्हूगु मू कथं डिजेल व मचिकं प्रतिलिटर १०३ तका थ्यंगु दु ।

भुतू ज्याय् छ्यलीगु एलपी ग्यास व हवाई इन्धनया खुद्रा मू धाःसा आःयात यथावत् हे तःगु दु । निगमं थ्वसिबें न्ह्यः फागुन ४, १७ व चैत्र ४ गते पेट्रोलियम पदार्थया मू थकाःगु खः ।

फागुन थुखे जक प्यक्वःतक मू थकायेधुंकूगु निगमं थौं सोमवाःनिसें लागू जूगु मू समायोजन लिपा पेट्रोलय् प्रतिलिटर ७.३९ तका, डिजेलय् १.९४ तका व एलपी ग्यासय् ४१८.४७ तका दां घाटा म्हो जुइगु खनेदु ।

मू समायोजनपाखें ८८ करोड तका दां बराबरया घाटा म्हो जुइगु खनेदु । आः निगम मासिक १ अर्ब ९ करोड तका दां बराबर घाटाय् लानाच्वंगु दु ।

Categorized in बजाः