1142 nhoo dan adv

८० द्वः ज्याकःमि दुगु संस्थाय् ईमेल प्रतिबन्ध

२०७१ चैत्र १८, बुधबार १६:३३:५८

क्लेयर बर्जं अफिसया ज्याय् ईमेल अप्वः हे छ्यलेगु याइगु खः । सन् २००१ य् व झिन्हु बिदा कयाः मोरक्को चाःह्यू वन । लिहां वःबलय् वया इनबक्सय् झिद्वः न्हूगु इमेल वयाच्वंगु खन । क्लेयर थुलि दबावय् लात कि तनावय् वयाः वं इमेल छ्यलेगु हे बन्द यायेगु निर्णय यात । न्ह्याबलेंया निंतिं छगू न्हापां दच्छिया निंतिं । वं इमेलया अटोमेटिक रिप्लाईलय् निजी व अत्यावश्यक ज्याया निंतिं फोन यानादिसँ धकाः तयाबिल । थ्व धुंकाः वया विश्व हे हिल । 

वं इमेलयात तसकं स्वार्थी ज्याबः धयादीगु दु । क्लेयर बर्जं थौंकन्हय् डब्लिनय् ‘गेट अर्गेनाइज्ड’ नामं कन्सल्टेन्सी न्ह्याकाच्वंगु दु । 

ज्याकुथी ज्या याइपिं मनूत न्हियान्हिथं क्लेयरया समस्यां न्ह्यानाच्वंगु दु । विश्वन्यंकं हे थुकिं कर्पाेरेट ज्याय् थुकिं लिच्वः लाकी । थुलिजक मखु थुकिया लिच्वः कार्यकुशलता व कर्मचारिपिनि स्वास्थ्यय् तकं लाइ । 

छगू अध्ययनकथं न्हूगु ईमेल ब्वने धुंकाः हाकनं ज्या योत ६४ सेकेण्ड बर्बाद जुइ । फुक्क जोडे यायेबलय् थुकिं यक्व घण्टा ज्याय् लिच्वः लाकी । 

क्लेयर बर्जं २००१ य् ईमेल छ्यलेगु बन्द याःगु इलय् हे फ्रान्सया आईटी कंपनी एटोसया सीईओ थियरी ब्रेटनं ८० द्वः कर्मचारीपिसं ज्या यानाच्वंगु थःगु कम्पनीइ इंटरनल ईमेलय् प्रतिबन्ध तयाबिल । 

थ्वधुंकाः विश्वया यक्व कम्पनीं ईमेल छ्यलेत प्रतिबन्ध तयेगु न्ह्याकल ताकि कर्मचारीया ज्या व पारिवारिक जीवनय् ब्वलंके फयेमा ।

तर अनुसन्धान संस्था गैलपया वर्क प्लेस मैनेजमेंटया मू वैज्ञानिक जिम हर्टरं चेतावनी बिसें धाःगु दु कि पूवंक प्रतिबन्ध तयेगु नोक्सानी नं जुइफु ।