2565 buddha Jayanti ADV

७ न्हु दुने लिखित लिसः पेस यायेत राष्ट्रपतिया ज्याकुथियात आदेश

नेवा: अनलाइन न्युज – ललेन्द्र शाक्य | २०७८ जेठ २७, बिहिबार ११:१३:२५

सर्वोच्च अदालतं प्रतिनिधिसभा विघटनया हुनि बारे ७ न्हु दुने लिखित लिसः पेस यायेत राष्ट्रपतिया ज्याकुथियात आदेश ब्यूगु दु ।

प्रधानन्यायाधीश चोलेन्द्रशमशेर जबरा, न्यायाधीशपिं दीपककुमार कार्की, मीरा खड्का, ईश्वरप्रसाद खतिवडा व आनन्द मोहन भट्टराई दूगु संवैधानिक इजलासं विघटनया हुनि पेस यायेत आदेश ब्यूगु खः ।

नेपाली कांग्रेसया सभापति लिसें विघटित प्रतिनिधिसभाया दुजः शेरबहादुर देउवालिसें १४६ म्ह सांसदपिनिगु रिट निवेदनय् प्रारम्भिक सुनुवाइ क्वचायेधुंकाः ‘कारण देखाऊ’ आदेश जारी जूगु खः । आः मेगु सुनुवाइ असार ९ निसें न्ह्याइ । उकिया नितिं रिट निवेदक पक्ष व सरकार पक्षया कानून व्यवसायीपिन्त बहसया नितिं १५/५ घौ फ्यायेत सर्वोच्चं आदेश ब्यूगु दु ।

इजलासं प्रतिनिधिसभाया विघटन जटिल संवैधानिक विषय जूगुलिं अदालतया सहयोगी –एमिकस क्युरी) या रुपं नेपाल बार एसोसिएसन व सर्वोच्च अदालत बारपाखें निम्ह निम्ह बरिष्ठ अधिवक्ता माग याःगु दु । इजलासं अदालतया सहयोगी वकिल, सरकारी वकिललिसें निवेदक व सरकारपाखेया कानून व्यवसायीपिन्त असार १० गते दुने बहस नोट पेस यायेत आग्रह याःगु दु ।

(नागरिक न्हिपौपाखें)

Categorized in पत्रपत्रिका