- विजयकृष्ण

वंगु शनिवाः चान्हय् प्यंगू दलया शीर्ष नेतातसें  तयार याःगु खुगू प्रदेशया संघीयताया खाकां पश्चिमया कैलाली व कञ्चनपुरय् च्वंपिं थारुतय्त दाङ्ग, बाँके, बर्दियाय् च्वंपिं थारुत नाप फानाब्यूगु दु धाःसा गोरखांनिसें रुकुमरोल्पाय् थ्यंक न्यनाच्वंपिं मगःत ला स्वंगू प्रदेशय् लाःवंगु दु । मेखे बर्मूक्षेत्रीतसें सुदूर पश्चिमया ६ नम्बरय् पहाड व तराई स्वानाः जक मखु, साबिक कर्णाली अञ्चलयात नापं कुचा थलाः ५ व ६ निगुलिं क्षेत्रय् नं स्वायेगु ज्या याःगु दु । 

पूर्वय् लिम्बुवान व खम्बुवान, अनंलि दक्षिणय् मधेसीतय्गु ८गू जिल्ला अले वयांलि ३ नम्बरय् नेवाः व ताम्सालिङ्गया सीमा विभाजन सरदर पाय्छिहे खनेदृु । थुकी नं चितवन १ गू धाःसा स्वाये हःगु खनेदु । थुकिं भारतनाप प्रदेशया सीमा स्वाःगुलिं छगूकथं पाय्छिहे नं धायेमाः । 

आः थ्व थासय् झी नेवाःतय्गु स्थिति छु दु ले थ्व छकः दुवाला स्वयेमाःगु खनेदु । उपलब्ध तथ्याङ्ग स्वयेबलय् ३ नम्बर प्रदेशय् झीगु स्थिति तुलनात्मक रुपं थथे खनेदु ः

थुकियात स्वयेगु खत धाःसा थुगु प्रदेशय् नेवाःत व तामाङ्गत मिले जुइमाःगु व नेत्वृत्व विकास याये फयेकेमाःगु खनेदु । थुकिइ मध्ये गुलिगुलि. जिल्लाय् मगःत नं न्ह्यथनेबहःगु ल्याखय् दु । थुपिं नाप नं सहकार्य यानाः न्ह्यायेमाःगु अवस्था आः खनेदु । आः न. नेपालय् दलीय राजनीतिया प्रभाव मूल जुयाच्वंगु जूगुलिं नेवाः तसें दल दुनें हे नेतृत्व विकास यानाः प्रदेश दुने थःगु नेतृत्व यात विकास यानाः भाषा, संस्कृतिया थपु व लजगाः निसें आर्थिक विकासया लँपु छीमाःगु खनेदु ।