नेवा: अनलाइन न्युज – निश्चल | २०८० भाद्र ३१, आइतबार १९:०२:४७

६० किलो लुँ तस्करी प्रकरणय् संलग्न  जुगु धासें २९  म्हा विरुद्ध येँ जिल्ला अदालतय् मुद्दा दर्ता जुगु दु । जिल्ला सरकारी वकिल कार्यालय येँ थौं आइतवाः प्यम्ह फरार लिसें २९ म्हसिया विरुद्ध मुद्दा दर्ता याःगु खः ।

जिल्ला सरकारी वकिल कार्यालय येँयासूचना अधिकारी महेशप्रसाद खत्रीया कथं स्वम्ह फरार लिसें २९ म्ह विरुद्ध आइतवाः मुद्दा दर्ता जुगु दु । केन्द्रीय अनुसन्धान ब्युरो (सिआइबी) प्यम्ह सूची तयाः मुद्दा न्हयाकेत प्रतिवेदन तयार याःगु खः ।

गुकिं उपराष्ट्रपति नन्द किशा्र पुनया काय दीपेश पुन व पुलांम्ह सभामुख कृष्णमहादुर महाराया काय राहुल महरा विरुद्ध मुद्दा चले मयायेगु क्वःछिउगु दुसा सिआइबी मुद्दा चले यायेगु निर्णय याम्ह चिनिया नागरिक गोम्बोया हकय् नं थप अनुसन्धान यायेत प्रहरीयात उजं ब्यूगु दु। सिआइबी गोम्बोयात नं मुद्दा न्ह्याकेगु निर्णय याःगु खःसां गोम्बो फरार जुयाच्वंगुलिं व म्याद तामेल यायेत समस्या जुइगुलिं थप अनुसन्धान यायेत प्रहरीयात बियाः वयाःगु हकय् तत्काल मुद्दा मन्हयाकेगु निर्णय याःगु खः ।

Categorized in दुर्घटना-अपराध