1142 nhoo dan adv

३९ न्हुं मंगल ग्रह थ्यंकेफइ ला ?

२०७१ चैत्र २६, बिहिबार १३:२०:४०

छगू अमेरिकी कम्पनीं थुज्वःगु छगू अदभूत इन्जिनया विकास यायेत्यंगु दु गुकिं ३९ न्हु दुने मंगल ग्रह थ्यंकेफइगु दाबी उगु कम्पनीं याःगु दु । साधारणतया थौैंकन्हय्या रकेट व स्पेसशिपपाखें महिनौं बिकाः मंगल ग्रह थ्यंकेफइ ।

अमेरिकी अन्तरिक्ष केन्द्र (नासां) थुकिया निंतिं उगु कम्पनीयात छगू करोड डलरया अनुदान नं ब्यूगु दु ।

टेक्सासया वेबस्टरय् दुगु ‘एड आस्ट्रा रकेट कम्पनीं’ थुज्वःगु इन्जिनया विकास याइ गुकिइ प्लाज्मा ग्यासयात छ्यली । रेडियो तरंगपाखें प्लाज्मा ग्यासयात तच्वकं क्वाकी । अनंलिपा चुम्बकीय क्षेत्रं थुगु प्लाज्मा ग्यासयात इन्जिनं पिने वांछ्वयेवं इन्जिन बेगं न्ह्यःने ब्वाँय् वनी ।

एड आस्ट्रा कम्पनीया कथं थुगु प्लाज्मा रकेटं थौंकन्हय् छ्यलावयाच्वंगु रकेट इन्धनया हजारौं परिमाणयात म्हो यानाः वार्षिक २ करोड डलर बचे याइगु दाबी नं याःगु दु ।