zero media family planning adv

२ करोड ४० लख धुसी परेजुयाः स्वाहा

नेवा: अनलाइन न्युज – ललेन्द्र शाक्य | २०७७ श्रावण १६, शुक्रबार १३:३१:१७

लिपांगुखुसी वयाः नेपाल राष्ट्र बैंकया धुकुतिइ दूगु मध्ये २ लख डलर स्वाहा जुइगु कथं धुसी परेजूगु दु । ५० डरया ४ हजार थान अमेरिकी डलर छधिका जुयाः धुसी परेजूगु व छ्यलिया ओसं छुटेयाये हे मजीक कथं प्यपुनाच्वंगु दु ।

थुकिं प्रचलित विनिमय दर कथं २ करोड ४० लख तका दां सरकारया कोषय् चुना लगेजूगु दु । अथेहे, बैंकया बालुवाटारय् च्वंगु छेलिया धुकुतिइ च्वंगु मेमेगु दरया डलर व विदेशी दां नं ओसं स्यंकेधुंकाः उकिया तकं पूरा भुक्तानी मवइगु जूगु दु । अथे आंशिक क्षति जूगु डलर लिसेंया विदेशी दां थ्यंमथ्यं ५० लख तका बराबर जूगु स्रोतं धाःगु दु ।

वंगु कातिकनिसें नियम कथं सिंगापुरय् च्वंगु सीआईएम बैंकय् बैंकिंग ज्याकुथिं विदेशी दां मछ्वःसे थन्केयाये धुंकाः धुसि परेजूगु खः । कार्यकारी निर्देशक नरेश शाक्य व निर्देशक निभा श्रेष्ठया लहडबाजीइ फागुन मसान्तय् दूगु थ्यंमथ्यं ४५ अर्ब तका दां बराबरया विदेशी दां सीआईएम बैंकय् जम्मा मयायेधुंकाः आः धुसि परेजूगु धाःगु दु ।

थ्वहे झ्वलय् बैंकया थीथी शाखा ज्याकुथिपाखे वःगु दां लिपा मौज्दात अप्वयाः थ्यंमथ्यं ६० अर्ब तका दांया हाराहारीइ थ्यंगु दु । धुसिं नष्ट जूगु जक मखु कि इलय् हे उगु दां सिंगापुरय् जम्मा याःगु जूसा उगु दामय् वइगु १० करोड तका दांसिबें अप्वःया ब्याज तकं शाक्य व श्रेष्ठया हुनिं बैंकं अनाहकय् गुमेयाःगु दु । जबकि नेपाल राष्ट्र बैंकया सकतां आम्दानी कानूनतः नेपाल सरकारया हे आम्दानी खः ।

थ्वसिबें न्ह्यः तःक्वःमछि जनअस्था अनलाइनं व्यर्थ द्वंचिनातःगु अरबौं तका दां बराबरया डलरया करोडौं ब्याज आम्दनी गुमेयाःगु व वा वइगु इलय् धुसि परेजुइफूगु पाखे सचेत याकाः सम्बन्धित निकायया ध्यानाकर्षण याकूगु खः ।

तर, बैंक नेतृत्वं सकारात्मक सुझाबयात नं छपा न्हायपनं न्यनाः मेगु न्हायपनं ब्वयेकाः छ्वःगु लिच्वः थ्व इलय् सरकारया आम्दानीइ थप ३ करोड तका दां स्वाहा जूगु दु ।

न्हूगु कार्यविधि निर्माण मजूगु व सिल्क एअरया बहनीया उडानया हुनिं सिंगापुरया सीआईएम बैंकय् जम्मा यायेत डलर मछ्वयागु शाक्य व श्रेष्ठया अडान नं थुगु इलय् बनावटी प्रमाणित जूगु जनआस्था साप्ताहिकं न्ह्यथंगु दु ।

Categorized in पत्रपत्रिका