zero media family planning adv

१३ म्ह प्रधानमन्त्रीया आः तकया छम्ह हे चालक

चालक कार्कीया  थीथी अविष्मरणीय व रोचक अनुभूति र अनुभव

बहुदलीय व्यवस्था पुनःस्थापना जुइ धूंकाः देसय् आः तक १३ म्ह प्रधानमन्त्री जु्ल । देय्या कार्यकारी प्रमुखया रुपय् देय् न्ह्याकिम्ह प्रधानमन्त्री हे खः । तर थुपिं १३ प्रधानमन्त्री न्ह्याकिम्ह  आः तक म्ह याकचा चालक धाःसा छम्ह हे खः येँ वसुन्धराया माधव कार्की ।
देय् न्ह्याकि पिन्तं नं न्हाकेग् ज्या चानचुनेभाला मखु । थ्व महत्वपूर्ण भाला यात चालक कार्की कुशलतापूर्वक पूवकुगु दु । तत्कालीन प्रधानमन्त्री कृष्णप्रसाद भट्टराई निसें वर्तमान प्रधानमन्त्री केपी शर्मा ओली तक यात चालक कार्कीं याकचां न्हयाका च्वंगु दु ।।
देय्या शासनया बागडोर न्ह्याकिपिं  प्रधानमन्त्री छम्ह निम्ह मखु  १३ म्ह यात सुरक्षित गन्तव्यय् यंकिम्ह् चालक कार्कीया  थीथी अविष्मरणीय व रोचक अनुभूति र अनुभव दु ।
कार्की विसं २०५६ निसें तत्कालीन प्रधानमन्त्री भट्टराईया  गाडी चले यात । थ्वया लिपा सूर्यबहादुर थापा, लोकेन्द्रबहादुर चन्द, गिरिजाप्रसाद कोइराला, शेरबहादुर देउवा, पुष्पकमल दाहाल, माधवकुमार नेपाल, झलनाथ खनाल, डा बाबुराम भट्टराई, खिलराज रेग्मी,मन्त्रिपरिषद् अध्यक्ष, सुशील कोइराला व वर्तमान प्रधानमन्त्री केपी शर्मा ओलीको गाडी चले यानादिगु दु ।
विसं २०४२ य् कृषि मन्त्रालयय् सवारी चालकया रुपय् सेवा प्रवेश यानादिम्ह कार्की २०४७ सालय् गृह मन्त्रालय जुयाः प्रधानमन्त्री कार्यालय् सरुवा जुयाः प्रधानमन्त्रीया सवारी चले यायेगु महत्वपूर्ण जिम्मेवारी काःगु खः । अथे ला चालक कार्की गुगु नं संस्था पाखें  तालिम कयादिगु मदु । तत्कालीन प्रधानमन्त्री गिरिजाप्रसादया इलय् मिलन बस्नेतं वय्कःयात छकः तालिम ब्यूगु खः ।
प्रधानमन्त्रीया गाडी सुरक्षा कारकेडया गतिअनुसार चले यायेगु चुनौतीपूर्ण ज्या खः । तसकं  सचेतपूर्वक सवारी चले यायेमाः । थुकथंया चुनौती पाखें विचलित मजुसें कार्कीं जिम्मेवारी पूं वका वयाच्वंगु दु । गुम्ह प्रधानमन्त्रीयात गाडी ब्वाकेगु यः गुम्ह  प्रधानमन्त्रीयात ब्वाकेग मयः, व्यक्तिया इच्छा  व आवश्यकता कथं सवारीया गति सन्तुलन याये माःगु बाध्यता वयकःया बाध्यता दु । १३ प्रधानमन्त्रीया निरन्तर सवारी चले याये बलयया लुमन्तिं व थुकिया दथुइ  फेरबदल जुयाच्वनीगु प्रधानमन्त्री नापया थीथी अनुभूति कार्की याके दु ।
प्रधानमन्त्रीया सवारी चल् यायेत नेपाली सेनाका कर्णेल व नेपाल प्रहरीया प्रहरी नायब निरीक्षकं प्रशिक्षण बिइ माः। सवारीया इलय् गनं गाडी बिसेकेमाःसा कारकेड मोटरसाइकलया गतिमा ५० देखि ८० या गतिइ चले यायेमाः ।चालक कार्कीयात धाःसा कार्यकारी प्रमुखया गाडी चले याये अपु व  र मज्जा हँ । “ प्रधानमन्त्रीया सवारीइ हर्न न्यायेके म्वाः, गनं दिके म्वाः जाम नं जुइ मखु ”, कार्की धयादी ।
थुलि मछि प्रधानमन्त्री नाप स्वापू दत नं गुगु नं  लाभ काःगु मदु । चालक माधव कार्की थ्व थासय् थ्यन, देय्ेया प्रधानमन्त्रीया  सवारी चले याये दयाः जि तसकं लयताया व गर्व जुगु दु ।”
आःया खुला लिपा उमेर हदया कारण सेवानिवृत्त जुइ त्यंम्ह  कार्की ल्यं दनियु जीवन चिंचिं धंगु व्यवसाय यानाः न्ह्याकेगु योजना कनादिल । कार्कीया परिवारय् कलाःनिम्ह काय् व प्यंम्ह म्ह्याय दु ।
चालक कार्कीया अनुभवय् प्रधानमन्त्री थे व्यक्तिया सवारी चले याइम्ह छम्ह चालकजुइगु बालांगु खँ खः ।
१३ प्रधानमन्त्रीया आः तक प्यंगः जक सवारी ह्युगु दु । आःया प्रधानमन्त्रीया न्हूगु सवारी खः । आः तक प्रधानमन्त्री गइगु थिंकेगु गाडी धइगु  करिब रु सात करोड मू तुगु खः । दकलय् थिंकेगु बिएमडब्लु कार खः गुकिया मूं  च्यागू करोड खः । परराष्ट्र मन्त्रालय् नं थ्व कार विशेष समारोहया इलय् जक छ्यलिं ।
सामान्यतःप्रधानमन्त्रीया सवारीइ स्वगू सुरक्षा निकाय नेपाली सेना, नेपाल प्रहरी व सशस्त्र प्रहरी बलया गाडी व ट्राफिक प्रहरीया कारकेड मोटरसाइकल दइ । न्ह्ंि ३२ निसें ३४ म्ह सुरक्षार्थ खटे जुइ तर विशेष समारोहय् गाडी नं अप्वः दइ मोटरसाइकल कारकेड ९ गः न्ह्यःने ल्यूने वजवं खवं १० गः दइ
चालक कार्की आः तक प्रधानमन्त्री थरिथरि सोखत खःगु दु । वर्तमान प्रधानमन्त्री ओली व तत्कालीन प्रधानमन्त्री देउवा, दाहाल व भट्टराईयात अप्वः गाडी ब्वाकेगु यः। थापा व निवर्तमान प्रधानमन्त्री सुशीलयात धाःसा बिस्तारं । थुलि मच्छि प्रधानमन्त्रीमध्ये गिरिजाप्रसादं जक र चालक कार्कीया कयाः अप्वःध्यान ब्यूगु दु । प्रधानमन्त्री कोइराला स्वकः तक वयकःया छेँय् वयाः छेँया अवस्था यात कयाःन्यनादिगु जुया च्वन । आःया प्रधानमन्त्री ओली नं छेँया व परिवारया अवस्था यात कयाः च्युता काः ।
कार्की धयादी, “प्रधानमन्त्री ओली थः परिवारया फुक्कसित सताः बालुवाटारय् मंकाः  किपा कायेकल । मेपिं नाप थुज्वगु लुमन्तिं मदु ” चालक कार्कीया निपुणतायात कयाः तत्कालीन प्रधानमन्त्री दाहालया इलय् वयकःयात निजामती पुरस्कार–२०६५ पाखें सम्मान याःगु खः । रासस पाखें