zero media family planning adv

हेल्लो ब्रदरं रेडियन स्कूलय् हिदान यात

नेवा: अनलाइन न्युज – ललेन्द्र शाक्य | २०७७ जेठ १८, आइतबार ११:१४:३५

‘कोभिड १९ विरुद्धया अभियान सफल यायेनु, सुरक्षित जुइनु’ धैगु नारा थ्वयेकाः म्हिगः शनिवाः जेष्ठ १७ गते सानेपाया सांचल त्वालय् अनया स्थानीय संस्था हेल्लो ब्रदर २ वडाया ग्वसालय् हिदान ज्याझ्वः जूगु दु ।

सानेपाया रेडियन स्कूलय् हिदान ज्याझ्वः जूगु खःसा उगु हिदान ज्याझ्वलय् मुक्कं ११० म्हेस्या हिदान याःगु खः ।

उगु हिदान ज्याझ्वलय् यल महानगरपालिका २ वडाया वडाध्यक्ष राजेशकुमार महर्जनं हिदातापिन्त मतिनाया चिं लःल्हानादीगु खः ।

हिदान ज्याझ्वलय् पूर्व सांसद मदनबहादुर अमात्य, नांजाःम्ह हाँस्य कलाकार सुरेन्द्र केसी, येँ महानगरपालिका २४ वडाया वडा दुजः लिसें ब्लोदानया केन्द्रीय दुजः विनोद तुलाधर, ब्लोदान येँ जिल्ला छ्याञ्जे अनिलरत्न तुलाधर, ब्लोदान मध्य क्षेत्रया पदाधिकारीपिं, नेपाल रेडक्रस सोसाइटीया पदाधिकारीपिं, स्थानीय व्यक्तित्वलिसें मिसा पुचःया दुजःपिं व स्थानीय प्रहरी व बुद्धिजिवीपिनिगु उपस्थिति दूगु खः ।

हलिंन्यंकं ब्वलनाच्वंगु कोरोना भाइरस कोभिड १९ व थुकिया हुनिं नेपालय् जुयाच्वंगु लकडाउनया इलय् ‘हि’या अभाव म्हो जुइके मबिइगु आज्जुं उकथं हिदान ज्याझ्वः जूगु जानकारी ब्लोदानया केन्द्रीय दुजःलिसें येँ मनपा २४ वडाया दुजः विनोद तुलाधरं जानकारी बियादीगु दु ।

उगु हिदान ज्याझ्वः शान्ति महर्जन सुवेदीं संयोजन यानादीगु खः ।

Categorized in राष्ट्रिय