coved ad

हेलिकोप्टर दुर्घटना ः भारतया रक्षा प्रमुख रावतलिसें १३ म्ह सित

नेवा: अनलाइन न्युज – ललेन्द्र शाक्य | २०७८ मङ्सिर २३, बिहिबार ११:०५:४०

सैनिक हेलिकोप्टर दुर्घटनाय् लानाः म्वानाच्वंगु अवस्थाय् उद्धार याःसां नं भारतया रक्षा प्रमुख जनरल विपिन रावत सीगु दु । वया वासः यायेगु झ्वलय् अस्पतालय् सीगु भारतीय संचारमाध्यमं जानकारी ब्यूगु दु ।

बुधवाः न्हिनय् रावत च्वनावंगु हेलिकोप्टर तामिल नाडुया कुनरय् दुर्घटना जूगु खः । पहाडय् कुतुंवंगु हेलिकोप्टरय् मिँ च्याःगु खः । तत्काल उद्धार यानाः स्वम्हेसित म्वाःम्वाः हे अस्पताल यंकूसां नं छम्ह बाहेक फुक्क सीगु खःसा सीपिं मध्ये रावत नं खः ।

भारतया सैनिक हेलिकोप्टर दुर्घटनाय् लानाः सीपिनिगु ल्याः १३ म्ह थ्यंगु दु । उगु हेलिकोप्टरय् १४ म्ह च्वनावंगु खः । छम्ह म्वाःम्ह सु खः आःतक सीमदुनि ।

हेलिकोप्टरय् सैनिक प्रमुख विपिन रावत, वया जहान मधुलिका रावत, ब्रिगेडिएर एल.एस लिडर, लेफ्टिनेन्ट कर्णेल हरिन्दर सिंहया लिसेलिसें सैनिकपिं गुरुसेवक सिंह, जितेन्द्रकुमार, विवेक कुमार, बी साइ तेजा व हाभ सतपाल दूगु एएनआई नं जानकारी ब्यूगु दु । मेपिं यात्रुपिनिगु बारे सीमदुनि ।

आइएएफ एम आइ १७भी५ हेलिकोप्टर कुनरय् बुधवाः न्हिनय् दुर्घटना जूगु भारतया एयर फोर्सं जानकारी ब्यूगु दु ।

Categorized in दुर्घटना-अपराध