coved ad

हेटौडाया ब्वनेकुथिइ ‘राष्ट्रिय चित्रकला कार्यशाला’

नेवा: अनलाइन न्युज – Bijay Ratna | २०७८ पौष ९, शुक्रबार १२:३१:०२

बागमती प्रदेशया राजधानी  हेटौंडा १८, हर्नामाडीइ च्वंगु श्री ज्योति माध्यामिक विद्यालयया ५५ क्वःगु पलिस्था दिवसया लसताय् ‘राष्ट्रिय चित्रकला कार्यशाला २०७८’ जुयाच्वंगु दु ।

उगु कार्यशालाया उलेज्याया सभापतित्व विद्यालयब्यवस्थापन समितिया नायः हर्क रम्तेलं यानादीगु खः ।

ज्याझ्वलय् मूपाहाँ कथं हेटौडा वडा ल्याः १८ या वडाध्यक्ष अनिलकुमार बाँनिया झायादीगु खःसा पाहाँ कथं प्रध्यानाध्यापक जयराम थापाया नापनापं रविन्द्र बहादुर सुर्खेती, तेजकुमारी न्यौपाने, विमला विसुंके, कुशुम थामी, जीत बहादुर राना झायादीगु खः ।

बुधवाःनिसें न्ह्याःगु ‘राष्ट्रिय चित्रकला कार्यशाला’ न्यान्हुतक न्ह्याइगु जूगु दु ।  कार्यशालाय् स्थानीय व राष्ट्रियस्तरया नांजाःपिं कलाकारपिनिगु आपालं ब्वति दूगु खँ विद्यालय व्यवस्थापन समितिया नायः हर्क रम्तेलं कनादीगु दु । कार्यशालाय् स्थानीय कलाकार लक्ष्मण भुजेल, चिरञ्जीवि श्रेष्ठ, सुजन राई, करिष्मा जोशीया नापनापं मोरंगया कुन्तीश्री थापा, निलम भुर्तेल व नम्रता सिंहया नापनापं ख्वपःया भुषण दुलाल, यलया मुना भडेल, तारा तामाङ, पृथ्वी श्रेष्ठ,  येँया राजन पन्त, नुवाकोटया उद्धव रिमाल, रोशन भण्डारी, रौतहटया   राजन काफ्ले, धनकुटाया मेख लिम्बुया नं ब्वति दूगु खः  ।

उगु ब्वनेकुथिं इलय्ब्यलय् कला लगायतया अतिरिक्त क्रियाकलापया ग्वसाः ग्वया वयाच्वंगु दुसा थगुने  मूर्तिकला थुगुसिइ चित्रकला कार्यशाला यानाः ललितकला पाखे युवा पुस्ताया नुगः त्याकेगु खँ रम्तेलं कनादीगु दु ।

Categorized in कला