city axpris 2

हेटौंडा कपडा उद्योग हाकनं संचालन यायेगु तयारी, प्रचण्डं सेनालिसे ब्याकल सहलह

नेवा: अनलाइन न्युज – ललेन्द्र शाक्य | २०८० माघ १७, बुधबार १४:०९:१६

प्रधानमन्त्री पुष्पकमल दाहाल प्रचण्डं रुग्ण अवस्थाय् लानाच्वंगु हेटौंडा कपडा उद्योग हाकनं संचालनया नितिं नेपाली सेनालिसे सहलह ब्याकूगु दु ।

प्रधानमन्त्री व मन्त्रिपरिषदया ज्याकुथि सिंह दरबारय् थौं बुधवाः उच्चस्तरीय सहलहया ग्वसाः ग्वयाः प्रधानमन्त्री प्रचण्डं कपडा उद्योग हाकनं संचालनया नितिं सेनां याःगु सम्भाव्यता अध्ययनया बिफ्रिङ काःगु खः ।

सरकारया आर्थिक दँ २०८०/०८१ या नीति व ज्याझ्वलय् विगतय् संचालन जुयाः वर्तमानय् बन्द अवस्थाय् लानाच्वंगु उद्योगत हाकनं संचालन यायेगु व्यवस्था याः कथं सेनां उद्योग हाकनं संचालन सम्बन्धी सम्भाव्यता अध्ययन याःगु खः ।

थथे नेपाली सेनायात हेटौंडा कपडा उद्योग संचालन यायेगु भाला बिइत्यंगु खँयात कयाः सेनायात ठेकेदारलिसें व्यापारी दयेकेगु ज्या राज्य याःगु द्वपं नं ब्यूगु दु ।

सचेत नागरिकपिन्सं सेना धैगु सीमा सुरक्षाया नितिं खटेजुइपिं खः, ठेकेदार लिसें ब्यापारीया ज्या यायेगु नितिं मखु धैगु खँ नं आः चर्चा परिचर्चा जुयाच्वंगु दु ।

Categorized in बजाः