Arin Enterprises

हुम्लाय् प्यन्हुलिपा हेलिकोप्टरपाखें मतपेटिका सदरमुकाम हल

नेवा: अनलाइन न्युज – ललेन्द्र शाक्य | २०७९ मङ्सिर ७, बुधबार १४:३६:२६

हिमाली जिल्ला हुम्लाय् निर्वाचन क्वचाःगु प्यन्हु लिपा मतपेटिका सदरमुकाम हःगु दु ।

सर्केगाड गाउँपालिकाया केन्द्रय् थन्केजुयाच्वंगु १३४ मतपेटिका थौं बुधवाः नेपाली सेनाया हेलिकोप्टरपाखें सदरमुकाम सिमकोट थ्यंकूगु खः ।

प्रदेश १ या ३४ गू मतदान केन्द्रया मतपेटिका हेलिकोप्टरपाखें सदरमुकाम सिकोट हःगु जिल्ला निर्वाचन ज्याकुथि हुम्लाया निमित्त निर्वाचन अधिकारी श्यामबहादुर रानां जानकारी ब्यूगु दु ।

फुक्क केन्द्रया मतपेटिका मुंकेधुंकूगुलिं थौं बुधवाः हे न्हिनय् सर्वदलीय बैठक च्वनेगु तयारी नं याःगु दु ।

Categorized in स्थानिय-समाज