coved ad

हिरोनी परमिता राज्यलक्ष्मी राणां बिल थुज्वःगु ख्याच्वः !

नेवा: अनलाइन न्युज – ललेन्द्र शाक्य | २०७८ पौष १३, मंगलबार १४:०२:०२

नेपाली संकिपा ‘चपली हाइट २’ पाखें संकिपा उद्योगय् डेब्यु याःम्ह हिरोनी खः, परमिता राज्यलक्ष्मी राणा । हिरोनी राणां थःत पारिश्रमिक मब्यूपिनिगु नां सार्वजनिक यायेगु ख्याच्वः ब्यूगु खः ।

हिरोनी परमितां सामाजिक संजाल इन्स्टाग्राम अकाउन्टया स्टोरीइ मोडलिङ व अभिनय यानागुया पारिश्रमिक कायेमखंगु धासें नां हे सार्वजनिक यायेगु ख्याच्वः ब्यूगु खः ।

इलय् हे पारिश्रमिक कायेमखंबलय् थः दिक्क जूगु तकं हिरोनी परमितां गुनासो प्वंकूगु दु । थःम्हं दुःख यानाः कमेयानागु दां नं फ्वनाः कायेथें फ्वनाच्वनेमाःगु हिरोनी परमिताया धापू दु ।

हिरोनी परमिता राज्यलक्ष्मी राणां रोज, चंगाचेट, द म्यान फ्रम काठमाडौं थेंजाःगु संकिपाय् अभिनय यायेधुंकूगु दु ।

Categorized in कला