nepal investment baink

हिजबुल्लाह लडाकुपाखें उत्तरी इजरायलपाखे सच्छिगः रकेट प्रहार

नेवा: अनलाइन न्युज – ललेन्द्र शाक्य | ने.सं. ११४४ सिल्लागा तृतीया (२०८० फागुन ३० गते)

हिजबुल्लाह लडाकुपिन्सं मंगलवाः उत्तरी इजरायलपाखे लेबनानय् थ्यंमथ्यं सच्छिगः रकेट प्रहार याःगु दु । उगु रकेट आक्रमणलिपा इजरायली पक्षं उकिया लिसलय् हवाई प्रत्याक्रमण याःगु इजरायली स्रोतं जानकारी ब्यूगु दु ।

इजरायल डिफेन्स फोर्स (आईडीएफ)या कथं रकेटत च्वय् च्वंगु ग्यालिली क्षेत्र व इजरायलं कब्जा याःगु गोलान हाइट्सय् प्रहार याःगु खः । तर हवाई प्रतिरक्षा प्रणालीं उगु रकेटयात पंगु खः ।

इजरायल डिफेन्स फोर्सं थः लडाकु विमानं रकेट प्रहार यायेत छ्यलीगु स्वंगः लन्चरयात पंगु धाःगु दु । बेरुतपाखें थ्यंमथ्यं ४५ किलो मिटर पूर्वय् लाःगु लेबनानया बेका उपत्यकाय् इजरायली हवाई आक्रमणया लिसलसय् ‘साल्भोस’ वःगु खः ।

गोलान हाइट्सपाखे आः नकतिनि जक हिजबुल्लाह विमान हमलाया बदला कायेत हिजबुल्लाहया हवाई सेनालिसे सम्बन्धित निगू थाय्लक्षित यानाः हवाई आक्रमण याःगु खः ।

इजरायल सीमापाखें थ्यंमथ्यं सच्छि किलोमिटर तापाक्क च्वंगु बेका उपत्यकायात हिजबुल्लाहया गढ कथं कयातःगु दु ।

Categorized in अन्तर्राष्ट्रिय