zero media family planning adv

हाकनं सिन्धुपाल्चोकय् लिभुखाय् ब्वल

नेवा: अनलाइन न्युज – ललेन्द्र शाक्य | २०७७ भाद्र ३१, बुधबार ११:२४:१६

सिन्धुपाल्चोकया राम्चे जःखः केन्द्रविन्दु जुयाः हाकनं लिभुखाय् ब्वःगु दु । थौं बुधवाः सुथय् ५ः१९ ता इलय् ६ रेक्टरस्केलया न्हापांगु भुखाय् ब्वःगु खः ।

खानी व भूगर्भ विभाग, राष्ट्रिय भूकम्प मापन केन्द्रया कथं वहे थासय् जःखः जुयाः ३.८ रेक्टरस्केलया मेगु लिभुखाय् ब्वःगु दु । निक्वःगु लिभुखाय् थौं सुथय् ६ः१२ ता इलय् ब्वःगु खः ।

सुथ न्हापां ब्वःगु भुखाचं स्वनिगःया येँ जःखःया भेगय् तःधंगु धक्का ब्यूगु खः । स्वनिगःलिसें जःखःया जिल्लाय् भुखाय् ब्वःगु धक्का महसुस याःगु खः ।

ख्वपया लोकन्थली, बाल्कोट, थिमिलिसेंया क्षेत्रय्् तःधंगु ल्याखय् मनूत ग्याःचिकुइ लानाः हालाः छेँपाखें पिने पिहाँ वःगु खः । 

बि.सं. २०७२ बैशाखया गोरखा भुखाय् लिपा आःतक ४ रेक्टरस्केलसिबें च्वय् ५५० क्वःसिबें अप्वः लिभुखाय् ब्वयेधुंकूगु केन्द्रं जानकारी ब्यूगु दु ।

Categorized in राष्ट्रिय