zero media family planning adv

हाकनं भारतय् कोरोना : थीथी राज्यय् कर्फ्यू...लकडाउन

नेवा: अनलाइन न्युज – ललेन्द्र शाक्य | २०७७ फाल्गुण १०, सोमबार १२:२५:१९

भारतय् हाकनं कोरोना कहर : महाराष्ट्रय् सार्वजनिक भेलाय् रोक

कोरोना संक्रमणया लहरयात पनेगु आज्जुं भारतया महाराष्ट्र सरकारं थौं सोमवाःनिसें फुक्क कथंया राजनीतिक, धार्मिक व सामाजिक ज्याझ्वलय् भेला जुइगुलि रोक तःगु दु ।

मुख्यमन्त्री उद्धव ठाकरं टेलिभिजन सम्बोधन यासें महाराष्ट्रया फुक्क राज्यय् मनूत भेला जुइगु ज्याझ्वलय् बन्देज तःगु जानकारी ब्यूगु खः ।

मुख्यमन्त्री ठाकरं धाःगु दु, महामारीं झीगु राज्यय् हाकनं छ्यं ल्ह्वनाच्वंगु दु । लकडाउनपाखें जक कोभिड १९ समाधान जुइमखु तर भाइरसया फैलावटयात पनेत थ्व नं छगू जक विकल्प खः ।

अप्वःगु संक्रमणया हुनिं भारत छक्वः हाकनं कोरोनाया एक्टिभ केस जूगु हलिंया देसतय्गु धलखय् १५ औं थासय् थ्यंगु दु ।

मुख्यमन्त्री ठाकरें कोरोना संक्रमणपाखें तापायेगु नियमया पालना मयाःपिन्त सजायँ बिइगु तकं ख्याच्वः ब्यूगु दु ।

भारतया महाराष्ट्र कोरोना भाइरस संक्रमणपाखें दकले अप्वः लिच्वः लाःगु राज्य मध्ये छगू खः । आः हाकनं संक्रमणया लहर खनेदयेधुंकाः भारत सरकारं प्रतिबन्धात्मक उपायत पालना यायेत सकल नागरिकपिन्त इनाप याःगु खः । थ्व कोरोना संक्रमणया मेगु लहर खः वा मखु धैगु खा ८ निसें १५ दिं दुने सीदइगु मुख्यमन्त्री ठाकरें धाःगु दु ।

भारतया महाराष्ट्रय् कोरोना संक्रमण अप्वयाः वनेधुंकाः अवरावती व अकोला जिल्लाय् छवाःया नितिं लकडाउन यायेत्यंगु दु । लकडाउन १ मार्चनिसें लागु जुइ । संक्रमण अप्वयाः वनेधुंकाः पुणेय् रात्रीकालीन कर्फ्यू तःगु दु ।

भारतया ९१ गू जिल्लाय् कोरोना भाइरस संक्रमणया दर अप्वयाः वःगु दु । वमध्ये ३४ गू जिल्ला महाराष्ट्रया व १६ गू जिल्ला कर्नाटकया दु ।

अथेहे, हरियाना, पंजाव, छत्तीसगढ, गुजरात व विहारया प्यंगू प्यंगू जिल्ला व क्यारेलाया निगू जिल्लाय् नं कोरोना संक्रमणया दर अप्वःगु सीदूगु दु ।

उगु जिल्लाय् न्हिथं कोरोना संक्रमणपाखें मुक्त जुइपिनिगु सिबें न्हूपिं संक्रमितपिनिगु ल्याः अप्वः खनेदूगु दु । अप्वःगु संक्रमणया हुनिं भारत छक्वः हाकनं कोरोनाया एक्टिभ केस जूगु हलिंया देसतय्गु धलखय् १५ औं थासय् थ्यंगु दु ।

भारतया केन्द्र सरकारं कोरोना संक्रमण न्हिथं अप्वयाः वनाच्वंगु राज्ययात कडा निगरानी, परीक्षण व कोरोना खोपय् ध्यान केन्द्रीत यायेत निर्देशन ब्यूगु दु ।

Categorized in अन्तर्राष्ट्रिय