zero media family planning adv

हाकनं भारतं वःपिं १४ म्हेसिके कोरोना पुष्टि, कर्णालीइ ६० म्ह थ्यन संक्रमित

नेवा: अनलाइन न्युज – ललेन्द्र शाक्य | २०७७ जेठ १७, शनिबार १२:०१:५९

कर्णालीइ शुक्रवाः सुथय् १४ म्ह कोरोना संक्रमित थप जूगु दु । कर्णाली स्वास्थ्य विज्ञान प्रतिष्ठान  शिक्षण अस्पताल जुम्लाया प्रयोगशालाय् जूगु परीक्षणपाखें दैलेखय् १४ म्हेसिके कोरोना संक्रमित पुष्टि जूगु खः ।

पीसीआर परीक्षण याःपिंमध्ये १४ म्हेसिगु रिपोर्ट पोजेटिभ वःगु प्रयोगहाला कजि विवेककुमार पुनं पुष्टि याःगु खः । सुर्खेलय् च्वंगु प्रयोगशालाय् चाप अप्वयेधु.काः सुर्खेत व दैलेखपाखें मुंकूगु स्वाब जुम्ला छ्वःगु खः ।

थप जूपिं संक्रमित दैलेखया नारायण नगरपालिका वडा ल्याः २ या छम्ह, वडा ल्याः ३ या छम्ह, वडा ल्याः ४ या स्वम्ह, वडा ल्याः ६ या छम्ह, वडा ल्याः ८ या निम्ह, वडा ल्याः ९ या निम्ह, वडा ल्याः १० या निम्ह व वडा ल्याः ११ या निम्ह खः ।

इपिं छसिंकथं २८, ४१, ३०, १७, २२, २५, २१, २०, २७, १८, २०, ३५, ५०, २३ उमेरयापिं खःसा उपिं फुक्क छुं दिं न्ह्यः भारतं गामय् लिहाँ वःपिं खः ।

थ्वलिसें दैलेखय् संक्रमितया ल्याः ३० म्ह थ्युं दुसा कर्णालीइ ६० म्ह थ्यंगु दु । आःतक कर्णालीया सुर्खेत व दैलेखय् जक संक्रमित लुयावःगु दु ।

Categorized in राष्ट्रिय