zero media family planning adv

हाकनं थिके जुल पेट्रोलियम पदार्थया मू ः पेट्रोल १ लिटरया ११८ तका थ्यन

नेवा: अनलाइन न्युज – ललेन्द्र शाक्य | २०७७ चैत्र ४, बुधबार ०९:५७:५०

नेपाल आयल निगमं हाकनं पेट्रोलियम पदार्थया मू थकाःगु दु । निगमं मंगलवाः चान्हय् निसें लागू जुइगु कथं पेट्रोल, डिजेल व मचिकनय् प्रतिलिटर नितका दां थकाःगु खः ।

आः न्हूगु मू कथं पेट्रोल प्रतिलिटर ११८ तका थ्यंगु दुसा डिजेल व मचिकं प्रतिलिटर १०१ तका थ्यंगु दु ।

अथेहे, हवाई इन्धन आन्तरिकया साविक मूलयस नितका दामं बृद्धि याःगु दु । आः हवाई इन्धन प्रतिलिटर ७४ तका दां थ्यंगु दु ।

भुतू ज्याय् छ्यलीगु एलपी ग्यास व हवाई इन्धन अन्तर्राष्ट्रिय पाखेया खुद्रा बिक्री मू धाःसा आःयात यथावत हे तयातःगु दु ।

अझ नं पेट्रोलय् ९.३५ तका, डिजेलय् प्रतिलिटर ५.८० तका व एलपी ग्यासय् प्रतिलिटर ३९२.८२ तका घाटा जूगु निगमया दाबी दु । वकथं अर्धमासिक रुपं निगमयात १ अर्ब २७ करोड ७० लख तका बराबरया घाटा जूगु दाबी याःगु दु ।

निगमं थ्वसिबें न्ह्यः फागुन ४ व १७ गते पेट्रोलियम पदार्थया मू थकाःगु खः ।

Categorized in बजाः