2565 buddha Jayanti ADV

हाकनं थाहाँ वन पेट्रोलियम पदार्थया मू, प्रतिलिटर १२३ तका थ्यन

नेवा: अनलाइन न्युज – ललेन्द्र शाक्य | २०७८ जेठ ३, सोमबार ११:१६:०६

नेपाल आयल निगमं इन्धनया मू हाकनं थकाःगु दु । चान्हय् १२ ता ईनिसें लागू जुइगु कथं निगमं पेट्रोल, डिजल, मचिकं व हवाई इन्धनय् प्रतिलिटर नितका नितका दांया दरं थकाःगु खः । न्हूगु मूल्यवृद्धिलिपा पेट्रोलया मू प्रतिलिटर १२३ तका, डिजल व मचिकंया मू १०६ तका व आन्तरिक हवाई इन्धनया नितिं मू प्रतिलिटर ७८ तका थ्यंगु दु । 

निगमं थ्वसिबें न्ह्यः नं प्रतिलिटर नितका दांया दरं मूल्यवृद्धि याःगु खः । अन्तर्राष्ट्रिय बजारय् कच्चा चिकंया मू मदिक्क थाहाँ वनाच्वंगु जानकारी बिसें निगमं मूल्यवृद्धि यानाः वयाच्वंगु दु । 

वंगु दँ लकडाउनया इलय् इन्धनया मू अतिकं क्वाहाँ वःगु खः । मदिक्क कच्चा चिकंया मूल्यवृद्धि जुयाच्वंगु इलय् निकट भविष्यय् पेट्रोल प्रतिलिटर मू १५० तका तक थ्यनीगु आँकलन याःगु दु ।

Categorized in बजाः