prabhu baink new

हाकनं उद्धार उडान संचालनय् हयेगु निर्णय

नेवा: अनलाइन न्युज – ललेन्द्र शाक्य | २०७७ भाद्र ५, शुक्रबार ०९:५७:२३

म्हिगः क्वचाःगु मन्त्रिपरिषद बैठकं हाकनं उद्धार उडान संचालनय् हयेगु निर्णय याःगु दु ।

म्हिगः बिहिवाः सनिलय् बालुवाटारय् च्वंगुु बैठकं विदेशय् च्वनाच्वंपिं नेपाःमिपिन्त हयेगु नितिं चार्टड व उद्धार उडान हाकनं सुचारु यायेगु निर्णय याःगु खः ।

बैठकं आः हवाई मार्गपाखें वइपिन्सं येँय् क्वहाँ वयेधुंकाः अनिवार्य रुपं छवाःतक सरकारं क्वःछ्यूगु होटलय् च्वनेमालीगु निर्णय याःगु दुसा अथे होटलय् च्वनेबलय् स्वं थःगु हे खर्चं च्वनेमालीगु निर्णय याःगु दु ।

उद्धार फ्लाईट बन्द मयायेत आग्रह यासें क्याबिनेटय् पर्यटनमन्त्री भट्टराईया प्रस्ताव

उद्धार फ्लाईट बन्द मयायेत विशेष आग्रह यासें प्रस्ताव यंकेगु पर्यटनमन्त्री योगेशकुमार भट्टराई नं यंकूगु दु ।

म्हिगः सनिलया ६ ता इलय् प्रधानमन्त्रीया सरकारी निवास बालुवाटारय् च्वंगु मन्त्रिपरिषदया बबैठकय् थुज्वःगु प्रस्ताव यंकूगु खः मन्त्री भट्टराई नं । थःत जानकारी हे मब्यूसे उपप्रधान व रक्षामन्त्री ईश्वर पोखरेल संयोजक दूगु सीसीएमसी निर्देशक समितिं उद्धिार फ्लाईट बन्द याःगुलिं पर्यटनमन्त्री तंम्ह्वयाच्वंगु दु ।

उगु समितिं अनुमति मब्यूबलय् मंगलवाः २६६ म्ह नेपालःमि दुबई विमानस्थलय् अलपत्रय् लाःगु खः ।

छेँय् वयेगु सकतां तयारी पूवंकाः विमानस्थल थ्यंकूपिं इपिं निराश जुयाः अनं लिहाँ वंगु व दुबई थ्यंकूगु जहार खाली हे लिहाँ वःगु खः ।

सोमवाः सनिल सीसीएमसीं कोरानाया हे हुनि क्यनाः छक्वलं विदेशपाखें नेपाःमि महयेत पौ छ्वःगु व थुकिया विषयस थःलिसें छुं नं सहमति मकाःगु धासें पर्यटनमन्त्री भट्टराई उपप्रधानमन्त्री पोखरेललिसे तंम्ह्वःगु खः । म्हिगः सनिलय् च्वंगु मन्त्रिपरिषदया बैठकय् उद्धार उडान नियमित यायेगु कथं मन्त्री भट्टराई नं प्रस्ताव यंकूगु दु ।

Categorized in राजनीति